"Juda qiyin o'yin o'tkazdik. "SHo'rtan"da Asror Aliqulov juda yaxshi jamoa shakllantirgan. CHunki "Istiqlol"da qo'l ostimda o'ynagan futbolchilarning bir nechtasi "SHo'rtan"ga kelib qo'shilgandi. Xudoga shukur g'alaba qozondik. Bu narsa tarixga aylandi", - deydi Anvar Berdiev.
- CHobanovning qarorini qanday baholaysiz?
- Futbol hissiyotli o'yin. Gohida o'zingizni boshqara olmaysiz. Marlenga tushuntiramiz. O'zini bosiqroq tutishi kerakligini uqtiramiz. Qizil olgandan keyin qarorini oqlab bo'lmaydi.
- "Turon" 10 kishi bo'lib g'alabaga erishdi. Bunga raqibning bo'shashishi sabab bo'ldimi?
- O'yin hushtakdan hushtakkacha bo'ladi. Vaziyat qanday bo'lishidan qatiy nazar oxirigacha kurashish kerak. Futbolchilar qo'lidan kelgan hamma narsani qilishdi.
- Siz shakllantirayotgan "Turon" Pro ligada qaysi o'rin uchun kurashadi?
- Avvalo, jamoamiz homiylariga rahmat aytaman. O'zimiz istagan futbolchilar bilan shartnoma tuzishimizga sharoit qilib berishdi. Ilohim, ishlariga baraka bersin. Superligaga chiqish uchun bu tarkib bilan oxirigacha kurashamiz.
- Jamoaning formasi uzoqdan qaraganda "Arsenal" jamoasining libosiga o'xshab ketadi. Klubning rahbarlari orasida "Arsenal" jamoasi muxlisi yo'qmi?
- Jamoa rahbarlari "Arsenal"ga muxlislik qilishini bilmayman, biroq ular qizil va qora ranglarni yoqtirishadi.
Bosh sahifaga
175
