"Ushbu uchrashuvga jiddiy tayyorgarlik ko'rgan edik. Muxlislarni g'alaba bilan tabriklayman. Qaysidir manoda futbolchilarda hayajon sezild. Uch yillik strategiya tuzganmiz. Bu degani jamoani yoshartirish. Xudo xohlasa mana shu vaqt ichida jamoani Superligaga olib chiqadigan darajaga keltirishga harakat qilamiz. Bu bir yilda amalga oshadigan narsa emas. Bu yildan sekin asta mahalliy tarbiyalanuvchilarga etibor qaratiladi.
"Aral Samali" jamoasi bizga qaraganda tajribaliroq. Ikkinchi bo'limda taktik tomondan o'zgarish qildik. Xavfli vaziyatlar ko'p bo'ldi. Tashkilotchilik haqida gapirsam, yig'inni kechroq boshladik. Murabbiy masalasi hal bo'lmayotgandi. Klub rahbariyati bizga jiddiy taklif bilan chiqdi. Jamoa 60 foiz tayyor.
Moliyaviy holatimiz o'rtamiyona. Muhitni ushlab turish uchun ham tajribali futbolchilar kerak. Lekin barqaror tarzda yoshlarga ishonch bildiramiz. Tarkibdan 70 foiz ko'nglim to'ldi. O'yin amaliyoti hali yana kerak",- dedi Ruslan Ahmedov.
Bosh sahifaga
86
