10. J-Museum
Italiyada eng ko'p sovrinlarga ega "Yuventus" klubining Turindagi zamonaviy muzeyiga tashrif buyurish orqali "keksa senoralar"ning qo'lga kiritgan sovrinlari, jamoa tarixiga oid fotosuratlar hamda "Yuve" liboslarini, klub xronoligiyasiga oid malumotlarni ko'zdan kechirishingiz mumkin.
9. Anfield Museum
"Liverpul" shon-shuhrat borasida grand jamoalar qatorida sanaladi. "Enfild"da joylashgan klub muzeyi "Liverpul" jamoasiga bag'ishlangan bo'lib, klub qo'lga kiritgan sovrinlar, ko'rgazmalar, shuningdek, Stiven Jerrardga oid kollekciyadan bahramand bo'lishingiz mumkin. Bundan tashqari, "qizillar" afsonasi Fil Tompson to'g'risida qimmatbaho ko'rgazmalarni tomosha qilish imkoniyatiga ega bo'lasiz.
8. Camp Nou Experience
1984 yili ochilgan bu muzeyga har yili 1.5 milliondan ortiq kishi tashrif buyuradi. Muzeyda yaqinda qo'lga kiritilgan kuboklardan tortib, o'tmishda Yoxan Kroyf kabi yulduzlar kiygan liboslargacha ko'plab ajoyib eksponatlar mavjud.
7. Museo del Calcio
Agarda Del Peroning mohirona harakatlari hamda Paolo Maldinining himoyani sanat turiga aylantirgan lahzalarini orzu qilishni istasangiz, ushbu muzeyga tashrif buyuring. Museo del Calcio Italiya futboli tarixiga oid ko'plab noyob eksponatlarga ega.
6. Museu CR7
Ushbu muzey faqatgina bir futbolchining faoliyatiga bag'ishlangan va uni tanimaydigan yashil maydon ishqibozi topilmasa kerak. Krishtianu Ronaldu nafaqat futbolchi, balki brend sifatida ham shuhrat qozongan. Maydeyradagi muzeyda Ronalduning liboslari, fotosuratlaridan tortib uning haykaligacha uchratishingiz mumkin.
5. Maradona Museum
Futbol olamining yorqin vakillaridan biri Lionel Messi bilan doimiy ravshida taqqoslanib kelinadigan vatandoshi Diego Maradona muzeyi. Neapolda joylashgan ichxam muzey texnologiyalarga mukkasidan ketganlarga qiziq tuyulmas, lekin qalbida futbol jozibasini saqlab qolganlar uchun ayni maskan bo'lishi tabiiy. U erda futbolchiga tegishli noyob buyumlar, jumladan, 1986 yilgi jahon chempionati yarim finalida Belgiyaga qarshi o'yinda ikkita gol urishida ko'magini ayamagan chap butsasi, hatto 1984 yilda “Napoli”ga ko'chib o'tganida imzolagan shartnomasi mavjud.
4. Real Madrid Museum
"Santyago Bernabeu"dagi muzeyning eng ajoyib eksponatlari, shubhasiz, 13 ta CHempionlar ligasi tituli hisoblanadi. SHuningdek, bolaligimizdan havas qilib kelgan mashhur yulduzlar tarixiga oid eksponatlar mujassam. Aytgancha, kuni kecha Madrid klubi 120 yoshni qarshi oldi.
3. National Football Museum
2500 dan ortiq eksponatlar va 140000 dan kam bo'lmagan fotosuratlar, plakatlarga ega Manchester milliy futbol muzeyi har qanday futbol ishqibozining og'zini ochirib qo'yadi. Ko'rgazmalar, asosan, ingliz futboliga bag'ishlangan bo'lsa-da, boshqa mamlakatlar futboliga oid eksponatlar ham uchraydi. Jumladan, Alfredo Di Stefano uchun alohida bo'lim mavjud, uning 1960 yilgi Evropa CHempionlar kubogi finalida zafar quchgan bahsdagi libosi ham bor.
2. German Football Museum
"Borussiya Dortmund"ning "Signal Iduna Park"i ro'parasida joylashgan Germaniya futbol muzeyi 1954 yilda G'arbiy Germaniyaning jahon chempionati g'alabasi bilan boshlangan nemis futbolining mikrokosmosi bo'lib, undagi eksponatlar nemislarning g'alabasi sayin boyishda davom etmoqda.
1. FIFA World Football Museum
Birinchi raqamli muzeyimiz Cyurixda joylashgan. Klublar, mamlakatlar va futbolchilarga bag'ishlangan ko'rgazmalar olami sizda unutilmas taassurot uyg'otadi.
Oqil Abdubarnoev tayyorladi
Bosh sahifaga
240