- O'yin haqida
- O'yin ancha asabiy tarzda kechdi. "Metallurg" ko'proq himoyaga etibor qaratib o'ynashini bilardik. Ular qarshi hujumlar va standart vaziyatlarga tayanib o'ynashdi.
Oxirgi pallada diqqat-etiborimizni yo'qotdik va bu uchun jazolandik. Birinchi taymga nisbatan ikkinchi taymda ko'proq vaziyatlar yaratdik.
Vaziyatlardan faqat bittasini golga aylantirdik. O'ylaymanki, raqibdan yaxshiroq to'p tepdik, ammo natija biz va muxlislar kutgandek bo'lmadi. G'alabani qo'ldan boy bergan bo'lsak-da, yigitlarga hech qanday etiroz yo'q. Ular borini berib o'ynashdi.
- Mehmon jamoa ustozi xorijlik. Uning o'yin uslubiga qanday baho berasiz?
- Hech qanday uslub ko'rmadim. Jamoa himoyalandi va uzun paslar bilan o'ynadi. "Metallurg" AGMK bilan bellashuvda ham himoyaga tayanib, qarshi hujumda o'ynagandi. Lekin bu – futbol, balki bu u tanlagan va yoqtirgan uslubdir. "Metallurg" futbolchilari ko'p vaziyatlarda maydonga yotib olishdi, bu esa muxlislarimizga yoqmadi. Albatta, ularning tanlagan va qo'llagan taktikasi shu edi, bu ularga qo'l keldi.
- O'tkazib yuborilgan golda raqib futbolchisi (Abror Toshqo'ziev – tahr.) yolg'iz qoldirildi. Bu himoyachilarning aybimidi?
- Umumiy qilib olsak, ko'pchilikning xatosi bo'ldi. Etiborni yo'qotmaslik kerak edi. "Metallurg" kombinacion standart vaziyatlarga urg'u berishini bilardik. O'sha vaziyatda yosh o'yinchimiz Akramov diqqat-etiborni yo'qotib, xato qildi. Gol bo'lgan vaziyatda Umid Ergashevni xatosi bormidi deb o'ylagandim, ammo keyin bilsam, to'p Husniddin Aliqulovga tegib, rikoshet orqali darvozaga kirib ketgan ekan.
- G'olib G'aybullaev qaydnomadan joy olmadi...
- G'olib "Navbahor" bilan bahsda kichik jarohat olgandi. SHu bois u qaydnomaga kiritilmadi.
- Oldinda "Nasaf"ni OCHL pley-offi doirasidagi "Baniyas"ga qarshi muhim o'yin kutmoqda. Jamoa oxirgi 3 o'yinda g'alaba qozona olmagani futbolchilarga salbiy tasir ko'rsatmaydimi?
- Albatta, bu borada ishlaymiz. Natijalar tasir qiladi, albatta. Biroq bu kabi holatlarga oldin ham duch kelganmiz. O'ylaymanki, yigitlarni ruhiy holatini yaxshilaymiz.
- Bizdagi malumotlarga ko'ra, "Nasaf"ga O'zbekiston Kubogi mukofot puli va dekabr oyi maoshi berilmagani aytilmoqda. Bu qanchalik asosli?
- Bu narsa rost. Yo'q desam noto'g'ri bo'ladi. O'ylaymanki, bu qarzdorliklar tasir ko'rsatgani yo'q. Rahbariyat tez orada bu masalani echadi.
Bosh sahifaga
111
