Albatta kuchli beshlik chempionatlaridagi markaziy o'yinlar. Bular boshqacha nom yani "El Klasiko" deb yuritiladi. O'zbekistonda ham azaldan bunday to'qnashuv bor, garchi bir necha yildan beri shiddati pasaygan bo'lsada, nomi doim etiborni jalb qilib kelgan. "Paxtakor" - "Neftchi". Bugun Toshkentda siz va biz yangilangan o'sha "O'zbek El Klasiko"ning guvohi bo'lamiz. Quyida o'yindan oldingi mulohazalar.
Uch yildan so'ng
Ushbu jamoalar Toshkentda so'nggi bor 2018 yilning 31 mart kuni uchrashishgan bo'lib, unda "Paxtakor" 3:0 hisobidagi g'alabani o'ziniki qilgandi. Ikkinchi davrada Farg'onadagi o'yinda tomonlar 1:1 hisobida durangga rozi bo'lishgan. Mazkur bellashuv hozirgacha so'nggisi bo'lib turibdi.
Superliga. "Neftchi" "Paxtakor" maydonida so'nggi bor qachon uch ochko olgan?
O'zaro o'yinlar
Har ikki klub o'zaro o'yinlarda bir-biridan eng ko'p ochko tortib olgani ham jamoalarning bir-biriga qanday qarshilik ko'rsatganini anglatadi. Jamoalar chempionatlar tarixida 54 o'yin o'tkazishgan. Kichik ustunlik "Paxtakor" tarafida - 25 g'alaba, 9 durang va 20 mag'lubiyat. Raqib darvozasiga 91 to'p kiritgan "SHerlar" 67 to'p o'tkazib yuborishgan. Toshkentdagi bellashuvlarning 20tasida "Paxtakor" ustun kelgan bo'lsa, 5 bahsda farg'onaliklar g'alaba qozongan. Ikki o'yin durang bilan tugagan. "SHerlar"ning o'z maydonidagi oxirgi 14 uchrashuvda "Neftchi" faqat birgina bellashuvda gol ura olgan. Uyda 58 gol urgan holda 16 to'p o'tkazib yuborgan. "Paxtakor" 10 bor raqibni yirik natija bilan dog'da qoldirishga erishgan bo'lsa, "Neftchi"da bunday g'alabalar soni uchtani tashkil qiladi.
"Neftchi"ning chempionat doirasida Toshkentda qo'lga kiritgan g'alabalari
28.05.2016. "Paxtakor" - "Neftchi" 1:2
10.06.2001 "Paxtakor" - "Neftchi" 1:2
25.09.1999. "Paxtakor" - "Neftchi" 1:2
05.04.1992. "Paxtakor" - "Neftchi" 0:2
To'purarlar
O'zaro uchrashuvlarda Rustam Do'rmonov 12 bor "Paxtakor" darvozasiga yo'l topib to'purarlar qatorini boshqarmoqda. "Neftchi" afsonasi Anvar Berdiev 8ta to'p bilan ikkinchi o'rinda ketmoqda. "Paxtakor"dan Dilmurod Nazarov va Igor Sergeev 6tadan gol urishgan.
 Paxtakor | Superliga. 2-tur 10/03/2022, 18:30 - : - Boshlanmadi |  Neftchi |
Teglar: mominjonov, voyneskiga, sovga, tayyorlayaptimi, yoxud, ozbek, klasikosiga, prevyu,
← OldingaOrqaga →
Bosh sahifaga
239