O'yin taqdirini yana o'sha futbolchi hal qildi. Dastlabki taassurotlarning "aytishicha", Dragan qatorasiga 4-marta Superliga "snayperi"ga aylanib, o'z rekordni yaxshilab qo'yish uchun asosiy davogar bo'ladi.
Samarqandda hisobni ochgan ham, Superkubokni "Paxtakor"ga olib bergan ham u edi. Etibor berilsa, Sergeev va Masharipov ketganidan keyin "sherlar"ning o'yini tamoman CHeranga bog'lanib qoldi. Gap hujumlarni boshlash yoki o'yin qurish haqidagina emas. Natijaga bevosita tasir qiladigan zarbalar ham aynan Draganga tegishli bo'lib qolyapti. Agar serbiyalik futbolchi 2021 yilgi mavsumda "Paxtakor"ga olib bergan ochkolar (17) hisobdan chiqarilsa, "sherlar" musobaqa jadvalining 6-pog'onasiga tushib ketadi.
Oxirgi 1 yilga etibor qaratsak, Dragan Superligada 8 (+ 2ta Superkubok) bor o'yin taqdirini yolg'iz o'zi hal qilgani ko'rinadi. "Paxtakor" to'liq qurolsizlantirilishiga qaramay, raqib jamoa har gal CHeran qarshisida ojiz qoldi. Xuddi o'limga chora topilmaganidek, Draganni to'xtatish ham imkonsiz edi o'sha o'yinlarda...
Futbolimiz tarixidagi eng yaxshi legionerlar haqida so'ralsa, ko'plar Rivaldo, Xolmatov yoki Gevorkyanni aytadi. Aslida bunga javoban bemalol Dragan CHeranni ko'rsatsa bo'ladi.
FAKT:
- Serbiyalik futbolchi so'nggi 3 yilda Termizning "Surxon" klubiga nisbatan ko'proq to'p kiritgan (62>61).
- U 2020 yilgi mavsumda "Buxoro", "Andijon", "Surxon" va "Qizilqum" jamoalarining to'liq tarkibidan ko'proq to'p kiritgan edi.
- Dragan qatorasiga 3 marta O'zbekiston chempionati "bombardir"iga aylangan tarixdagi yagona futbolchi!
Bilasizmi, bu dunyoda o'lim Dragan CHerandan qochish mutlaq imkonsiz. CHunki u qarshisiga chiqqan Superliganing barcha jamoalari (19) darvozasiga yo'l topa oldi (CHeran tepgan to'plardan eng ko'p aziyat chekkan klub — "Buxoro", 12 marta).
Keyingi turdagi "Olimpik" esa Dragan uchun 20-raqibga aylanadi. Qiziqarli tomoni, agar CHeran Vladimir Nazarov darvozasini ishg'ol qilsa, bu serbiyalik futbolchi uchun O'zbekiston chempionatlaridagi yubiley 100-golga aylanadi.
"Yolg'iz posbon". "Navbahor" etakchisining siz bilmagan hikoyasi
Bosh sahifaga
70
