"Xudoga shukrki, o'z maydonimizda g'alaba qozondik. Bahs qiyin bo'ldi. Ochilish o'yini bo'lgani bois futbolchilarda hayajon sezildi. O'yinchilarga, muxlislarga va rahbariyatga rahmat aytmoqchiman", – dedi Anvar Berdiev.
- Yangi nomlar (Siyovush Xabibulloev, Jasur O'runov)ning o'yinidan qoniqdingizmi?
- Qo'l ostimdagi barcha futbolchilar men uchun qadrli. O'yinning borishiga qarab almashtirishlarga qo'l urdik. Albatta, ularning o'yinidan qoniqish hosil qildim.
- Sardor Abduraimov oldingi o'yinda ham, bugun ham zaxiraga olindi. Bu nima bilan bog'liq?
- "SHo'rtan" bilan o'yinda u maydonda ko'p mehnat qildi. Juda ko'p kuch sarflagani uchun zaxiraga olgandik. Bugun esa o'yin taqdiri hal bo'lgani bois almashtirdik. Keyingi o'yinimiz "Buxoro" bilan bo'ladi. SHu faktor ham inobatga olindi.
- Jamoa 1-o'rinda bormoqda. Bu o'ziga yarasha bosim yuklamaydimi?
- Hozir 1-o'rinda borayotganimiz hech narsani anglatmaydi. Hali hammasi oldinda. Har bir uchrashuvda g'alaba uchun maydonga tushamiz. Yana bir bor bizni qo'llab-quvvatlab turgan muxlislarga va jamoa rahbarlariga minnatdorlik bildiraman. Futbolda ko'pchilik aytganidek, "jo'jani kuzda sanaymiz". Mavsum uchun oldimizga qo'yilgan maqsadga erishishga astoydil harakat qilamiz.
Bosh sahifaga
70
