Namanganning "Navbahor" klubi bugun tarkibini tajribali murabbiy bilan boyitib oldi.
Yurtimizdagi taniqli mutaxassislaridan biri, murabbiylik faoliyatida “Navbahor”, “Mashal” va “Paxtakor” klublarida faoliyat yuritgan, “Navbahor”da 1995-2000, 2000-2004 hamda 2010 yillarda faoliyat yuritib, jamoa bilan O'zbekiston chempionligini (1996 yili), bronza medallarini (1995, 1997-1999 yillarda), O'zbekiston kubogi (1995, 1998 yillarda) va Superkubogini (1999 yili) qo'lga kiritgan Viktor Romanovich Jalilov 10 yillik tanaffusdan so'ng, yana sevimli jamoasi “Navbahor”ga qaytdi.
"Viktor Jalilov bilan ikki yillik shartnoma imzolandi hamda u oldin takidlaganimizdek, jamoamizda bosh murabbiy No'mon Hasanovga maslahatchi murabbiy sifatida yordam beradi.
Biz yangi murabbiylar shtabining qadami qutlug' kelib, “lochinlar”ning yangi mavsumda sovrindorlar safidan joy olishini tilab qolamiz", - deyiladi klub matbuot xizmati bergan xabarda.
Bosh sahifaga
425