"Mamlakatimdagi vaziyat tufayli qayg'udaman. Rossiya armiyasi har kuni ukrainaliklarni o'ldirayotgan bir paytda futbol haqida o'ylash men uchun juda qiyin.
Rostini aytsam, nima deyishni bilmayman. Meni doim, har kuni qo'llab-quvvatlayotgan jamoadoshlarimga rahmat aytmoqchiman. Meni va barcha ukrainaliklarni qo'llab-quvvatlayotgan "Vest Xem" muxlislariga ham. Barcha britaniyaliklarga rahmat, chunki bizni qo'llab-quvvatlayotganingizni his qilamiz.
Muxlislarning qo'llab-quvvatlashini his qildim va maydonda bor kuchimni berishga harakat qildim, chunki bugungi o'yin biz uchun qanchalik muhim ekanini bilardim. Men o'yinga 100% tayyor emasdim, chunki oxirgi ikki hafta ichida uch yoki to'rt marta mashg'ulot o'tkazdim. 26 fevraldan boshlab to'rt kun dam olishga ruxsat berildi. Men faqat oilam va xalqimni o'ylardim. Maydonda bor kuchimni berishga harakat qildim.
Murabbiy, jamoadoshlarim va muxlislarning qo'llab-quvvatlashini his qilish men uchun juda muhim. Bu tuyg'uni his qilganimda, muxlislar va klub uchun bor kuchimni beraman" — dedi Yarmolenko.
Bosh sahifaga
216