Etiborlisi shundaki, Abdug'aniev avvalroq “Neftchi” futzal jamoasida o'ynab kelayotgan edi. Keyinchalik u farg'onaliklarni tark etib, Superligaga qaytishni maqsad qilgan “Andijon”dan qo'nim topdi.
O'yin haqida
- To'g'risi, bugun ikki jamoa uchun ham oson bo'lmadi. Negaki, ob-havo noqulay kelgani uchun ham muammolar yuzaga keldi. SHunday bo'lsada, yomg'irli havoda bizni qo'llab-quvvatlab turgan ishqibozlarimizga minnatdorchilik bildiraman. “Yangier-Quruvchi”ni katta ishtiyoq evaziga, ahillik bilan o'ynaganimiz evaziga g'alaba qozondik.
“Andijon”ga o'tishi xususida
- Bu erga kelishimga Jahongir aka Nuriddinovning o'rni katta bo'ldi. Aynan shu kishi menga ishonch bildirdi va jamoasiga taklif qildi. SHu sababli u Jahongir akaga minnatdorchilik bildirmoqchiman. Klubning Superligaga qaytishi uchun qo'limdan kelgancha yordam bermoqchiman.
Futzaldan futbolga o'tishi haqida
- Farruh aka Zokirov tufayli “Neftchi”dek ajoyib jamoada o'ynadim. O'yin amaliyotiga ega bo'lib turdim. Natijada, "Andijon”dan bo'lgan taklif bilan shu erga yo'l oldim. Bosh murabbiy esa meni ketishimga qarshilik qilmadi va sharoit yaratib berdi. Futzaldan yana katta futbolga qaytishimda muammo yuzaga kelmadi. CHunki bunga qadar katta futbolda o'ynab kelganman, yuzaga kelgan kichik tanaffus meni cheklab qolmasdi. “Andijon” safida ko'proq o'yin amaliyotiga ega bo'lgan holda, Superligada o'ynamoqchiman.
Kelajagi borasida
- Har bir futbolchi o'z oldiga eng oliy maqsadlarni qo'yadi. Aytaylik, klub bilan maqsadlarga erishishni ko'zlaydi. Terma jamoa libosida to'p tepishni orzu qiladi. Qisqasi, mening ham maqsadlarim ulkan. Avvalo “Andijon”ga bejiz kelmaganimni isbotlashim va jamoani Superligaga chiqishiga ko'maklashmoqchiman.
Bosh sahifaga
64
