Turni Bekobodda bo'lib o'tadigan "Metallurg" – "Surxon" bahsi boshlab beradi. Bekobodliklar matbuot xizmati ushbu uchrashuvda ishqibozlarni ajoyib qimmatbaho sovg'alar kutayotganini malum qildi.
Superliga. 3-turni boshqaradigan hakamlar malum, markaziy o'yinda VAR yo'q
Uchrashuviga tashrif buyuring, "Metallurg"ning 12-o'yinchisiga aylaning va uyingizga qimmatbaho sovg'alar bilan qayting!
"Metallurg" mavsumni muvaffaqiyatli boshladi. Siz aziz muxlislarning qo'llab-quvvatlashingiz hamda ishonchingiz tufayli 1-turda Toshkent viloyati derbisini o'z foydasiga hal etdi. Keyin esa safarda O'zbekiston chempionatlarining ko'p karra sovrindori "Nasaf" bilan durangga imzo chekdi. 3-turda esa Bekobodga Termizning "Surxon" jamoasi tashrif buyuradi. Mazkur uchrashuv bekobodliklar uchun juda muhim ahamiyat kasb etadi. O'tgan yili "Surxon" so'nggi daqiqalarda kiritilgan gol evaziga Bekoboddan uch ochko bilan qaytgandi.
Bu yilgi o'yin qanday natija bilan yakunlanadi. "Metallurg" so'nggi mag'lubiyat uchun revansh oladimi? Albatta, ikki turdan keyin etakchilar qatorida borayotgan jamoa yigitlarining shashti baland. Ular "Surxon"ga qarshi o'yinda ham faqat va faqat g'alaba ishtiyoqida maydonga tushishadi. Bu yutuqning to'kis va ishonchli bo'lishi yo'lida esa Siz aziz muxlislarning ko'magingiz zarur. Stadionni to'ldirib, futbolchilarni olg'a chorlab tursangiz, har qanday raqibni taslim etish "Metallurg"ning qo'lidan keladi.
16 mart kuni chiroyli, hujumkor hamda murosasiz o'yinning shohidi bo'lmoqchimisiz? Unda "Metallurg" markaziy stadioniga tashrif buyuring. Jamoaning o'n ikkinchi o'yinchisiga aylaning. Ha, darvoqe klub marketing xizmati stadionga keluvchi ishqibozlarni qo'llab-quvvatlash uchun uchrashuv tanaffusida pul-buyum lotereyasini tashkil etadi. Bu galgi sovg'alar soni ko'paygan. Uyga xush kayfiyat hamda qo'shimchasiga sovg'a bilan qaytishni istasangiz, shoshiling. "Metallurg" – "Surxon" uchrashuviga chiptalar sotuvi boshlandi", - deyiladi klub matbuot xizmati bergan xabarda.
Eslatib o'tamiz, "Metallurg" – "Surxon" uchrashuvi 16 mart – chorshanba oqshomida, soat 18:30 da boshlanadi. Fursatni va imkoniyatni qo'ldan boy bermang!
Bosh sahifaga
70
