Toshkentda "Bunyodkor" - "Lokomotiv" (2:1) uchrashuvi turning markaziy to'qnashuvi hisoblanardi. Ikki jamoa ham tarkibida yoshlarga ko'proq etibor qaratayotganini inobatga olganda teng kuchli jamoalar sanalardi. O'yindan so'ng mazkur fikrimizga "Bunyodkor"ning yosh yarim himoyachisi Umarali Rahmonaliev qo'shilgan holda o'zining taassurotlari bilan bo'lishdi.
- Avvalambor g'alaba bilan tabriklaymiz. Joriy mavsumdan boshlab asosiy tarkibda to'p tepib kelyapsiz. "Lokomotiv" bilan o'yindan so'ng qanday xulosalar paydo bo'ldi?
- O'yin biz kutgandek vaziyatlarga boy bo'ldi. Yaratilgan imkoniyatlardan unumli foydalanganimiz g'alaba keltirdi, deb o'ylayman. Bu oqshomda o'z o'yinimizni ko'rsatak g'alaba qozonardik. Amalda bu ish uddalandi. "Lokomotiv"ga qarshi bahs tarixda qoldi. Keyingi bellashuvlarda ham shunday o'yin namoyish qilishni maqsad qilganmiz.
- "Qizilqum" bilan o'yindan so'ng ruhiyat tushib ketgandi. Jamoada yosh futbolchilar ko'p. Ular buni engib o'tishlari bir muncha qiyinroq...
- O'sha kuni o'zimizning xatolarimiz evaziga gol o'tkazib yubordik. Bu biz uchun katta saboq bo'ldi, deya olaman. Natijada ikki hissa kuch bilan tayyorgarlik ko'rdik. Futbolda mag'lubiyat va g'alaba birga yuradi. Mag'lubiyatlardan cho'kib qolmay xatolardan xulosa chiqarishimiz kerak. Klubda yoshlarga etibor berilayotgani quvonarli. "Lokomotiv" bilan o'yin yuqoridagi jihatning bir qismi edi, xolos.
- Jamoada sizni Kante, deb ham chaqirishadi. Qiziq, ushbu nomni sizga kim bergan? O'zingiz ham Kanteni kuzatib borasizmi?
- Akademiyada to'p tepayotgan vaqtimda akalarim qo'yishgan. Albatta Kanteni o'yinlarini kuzatib boraman. U meni kumirim. Nasib qilsa, shu yo'sinda davom etamiz.
Abdulaziz Iskandarov yozib oldi
Bosh sahifaga
211
