"Nima ham derdim, bu yil Pro ligada jamoalari o'tgan yilgiga qaraganda nisbatan teng kuchli. Kuchsiz jamoalar yo'q. Bugungi o'yin buning isboti bo'la oladi. "Turon" juda yaxshi qarshilik ko'rsatdi. Yigitlarga ilk g'alabani qo'lga kiritishgani uchun rahmat aytaman. "Turon" bunga qadar ketma-ket ikkita g'alabani qo'lga kiritgandi. Menimcha, "Buxoro" raqibga nisbatan ko'p vaziyatlar yaratdi", – deydi Fuzaylov.
- "Buxoro" ikki yildan beri o'z maydonida o'ynayotgani yo'q. Nima deb o'ylaysiz, "Buxoro" mehmonda o'ynaydigan jamoa sifatida shakllanib bo'ldimi?
- Albatta, bu haqda gapirish og'ir. Stadionni ko'rdim. Aprel oyi o'rtalariga kelib o'z maydonimizda to'p tepishimiz mumkinligini aytishdi. Futbol muxlislar uchun o'ynaladi.
- "Turon" jamoasi bosh murabbiyi maydon holatiga yomon baho berdi. Siz qanday fikrdasiz?
- Bunday faslda kuzatiladigan holat. Albatta, chim biroz yumshoqroq. Hozir bahor. O'ylaymanki, bir necha haftadan so'ng hammasi joyiga tushadi. Jamoamiz yangi. 2:0 dan so'ng xotirjamlikka berilishdi. Ikkinchi bo'limda yigitlar yaxshi harakat qilishdi.
- Serbiyalik darvozabonni jamoaga olib kelish qarori kimdan chiqdi?
- O'z vaqtida "Istiqlol"da ishlaganimda u qo'l ostimda o'ynagan. Professional futbolchi. O'zbekiston chempionatiga ko'nikmoqda. Stoshich hali yanada yaxshi o'ynaydi. Qobuljonov jarrohlik amaliyotini o'tkazdi. Yana 2-3 haftadan so'ng tiklanish mashqlarini boshlaydi.
Bosh sahifaga
3148