LaLiga. "Barselona" qaytdimi? Kataloniya klubi mehmonda "Real"ni yirik hisobda taslim etdi

UCHRASHUV YAKUNLANDI!

90. Uchrashuv asosiy vaqtiga 3 daqiqa qo'shib berildi.

88. Sariq kartochka. Gavi va Lukas Vaskeslar qo'pol o'ynashdi.

85. "Real"ning hujumlari foyda keltirmayapti. Madridliklar gol urish uchun katta kuch bilan hujumga o'tishgan.

82. Sariq kartochka. Zaxiradan o'yinga qo'shilgan Kamavinga Busketsga nisbatan ishlatgan qo'polligi uchun jazolandi.

80. O'zgarish. Usmon Dembele o'rniga Adama Traore maydonga tushdi.

78. Depay ham o'z hisobiga gol yozdirb qo'yishi mumkin edi, ammo uning kuchli zarbasidan so'ng Kurtua seyv ijro etdi.

77. Asensio Alabaning uzatmasini golga aylantirishga urindi, ammo zarba noaniq bo'ldi.

75. Sariq kartochka. Xordi Alba Vinisiusni chalib yiqitdi.

71. "Barselona"da o'zgarishlar: Obameyyang o'rniga Depay, De Yong o'rniga Gavi maydonga tushdi.

68. Hisob 0:4 ko'rinishida bo'lsa ham Xavi shogirdlariga baqirib, aniqroq o'ynash kerakligini aytyapti.

63. Sariq kartochka. Modrich Dembelega nisbatan qo'pol o'ynadi.

58. Obameyyang deyarli bo'sh darvozani ishg'ol qila olmadi, qanotdan uzatilgan ajoyib pasdan so'ng zarba berilgan to'p 7 metrlik darvozaning yonidan o'tib ketdi.

52. Obameyyang gol urdi, ammo yon hakam bayroqchasini ko'tarib turgandi. VAR hammasini ko'zdan kechirmoqda. GOOOL! 0:4.

47. GOOOL! 0:3! TORRES! "Barselona"ning super hujumi Ferran Torresning goli bilan yakun topdi. Hujumni so'z bilan ifodalash qiyin, uni tomosha qilgan maqul.
VIDEO

46. Ikkinchi bo'lim boshlandi va Torres 1ga1 vazitdan unumli foydalana olmadi. 

TANAFFUS!

45. Super o'tgan birinchi taym yakunlndi.

38. GOOOL! ARAUXOOO! "Barselona" hisobni 2:0, aniqrog'i 0:2 ko'rnishiga keltirdi. Bu safar Arauxo Usmonning burchakdan uzatgan to'pini boshi bilan darvozaga yo'llab, farqni oshirdi.

36. Vinisiusss... Braziliyalik forvard jamoasining tezkor qarshi hujumini golga aylantirishi mumkin edi, ammo Ter SHtegen o'z vaqtida oldinga siljidi va xavfni bartaraf etdi.

35. YANA OBAMEYYANGDAN ZARBAAA... Kurtadan seyv.

31. Sariq kartochka. Buskets "Real" qarshi hujumga o'tmasligi uchun Militaoni "minib" oldi va shu sabab jazolandi.

29. GOOOL! OBAMEYYANG! Pike to'pni Usmonga uzatdi, Dembele esa o'z qanoti bo'ylab oldinroqqa o'tib, to'pni markazga jo'natdi. Gabonlik forvard esa aniq uzatmadan so'ng to'pga boshini qo'ydi va darvozani ishg'ol qildi.

26. Sariq kartochka. De Yong Kroosni to'xtatishda qo'polllik ishlatgani uchun ogohlantirildi.

22. Sariq kartochka. Toni Kroos Busketsga nisbatan qo'pol o'ynagani uchun jazolandi.

18. ZARBAAA! Torresning uzoq burchakka bergan zarbasi darvozaning yonidan o'tib ketdi.

14. Vinisius o'z qanotidan markazroqqa o'tiyu, yaqin burchakka zarba berdi, biroq Ter SHtegen joy tanlashda xato qilmadi va to'pni egallab oldi.

12. OBAMEYYANG! Gabonlik forvard deyarli birga-bir vaziyatdan "Real" darvozasiga gol ura olmadi. Qaytgan to'pni Dembele egallab, u ham o'z omadini sinab ko'rdi, ammo bu safar ham Kurtua qahramonlik ko'rsatdi.

7. ZARBAAA... Vinisius o'z qanotida Arauxoni rosa "chayqadi" va to'pni orqaroqdagi Valverdega uzatdi, yarim himoyachining kuchli zarbasini Ter SHtegen qaytarishga muvaffaq bo'ldi.

5. "Real"ning birinchi (qarshi) hujumi Rodrigoning zarbasi bilan yakun topdi, lekin biroz noaniq.

3. Kutilmaganda Pike uzun pas orqali Torresni Kurtua bilan birga-bir vaziyatga chiqarishi mumkin edi, ammo Ferran to'pga eta olmadi.

2. Bahsdagi dastlabki zarba Ferran Torres tomonidan ijro etildi, ammo juda noaniq.

1. Hakam xushtagi chalindi va o'yin boshlandi.

------------------------------------------------------------------------------------------

- Bahs boshlanishidan avval Tibo Kurtuaga LaLiganing fevral oyidagi eng yaxshi futbolchisi uchun beriladigan sovrin topshirildi.

- Jamoalar maydonga chiqib kelishdi. Tarkiblar pastroqda ko'rsatib o'tilgan.

- Assalomu alaykum bugunning eng muhim bahsini kutib, televizor va telefonlar qarshisida yig'ilganlar. 

------------------------------------------------------------------------------------------

"Real Madrid" — "Barselona"

"Real Madrid" – Kurtua, Karvaxal, Alaba, Militao, Nacho, Valverde, Modrich, Kroos, Kazemiro, Rodrigo, Vinisius Junior.

"Barselona" – ter Stegen, Arauxo, Pike, Erik Garsiya, Alba, Buskets, de Yong, Pedri, Obameyang, Dembele, Ferran Torres.