Albatta mazkur mag'lubiyatni futbol ommasi kutilmagan holat sifatida qabul qildi. CHindan ham shunday. CHunki bu o'yinda hurmatni saqlagan holda aytamanki, ustunlik mehmonlar tomonida turgandi. Keling quyida o'yin va o'yin atrofidagi tafsilotlar borasida fikr yuritib ko'rsak.
1. Kumikovdan kutilmagan tarkib va jumboq
Boshlang'ich tarkiblar elon qilingach Viktor Kumikov nima uchundir legionerlar xizmatidan foydalanmagani jumboqdek tuyuldi. Bir hayolim raqibga bepisand qarab yoshlarni tushirgan degan joyga ketgan bo'lsa, ikkinchi hayolim biz bilmagan jihatlar bo'lishi ehtimoli bor edi. CHunki avvalgi 2ta turda Kumikov legionerlarga ishonch bildirdi. Keyin bilsak "Xorazm" bilan o'yindan avval klubga O'zPFL tomonidan legionerlar borasida taqiq kelib tushgan.
2. Keyin bilsak...
Bizga malum bo'lishicha, bunga sabab - qarzdorliklar. O'zPFLning bu boradagi poziciyasini bilish maqsadida Diyor Imomxo'jaev bilan bog'landik:
"Klubning juda katta qarzlari bor. Deylik Jasur Jaloliddinov "Andijon"dan so'ng 2ta klubda to'p tepmoqda. Futbolchi hali hamon pulini olmagan. Bundan buyon qattiq turmasak bo'lmaydi. Transfer yopilishiga bir kun qolganda kelishdi. Yakunda kafolat xati yozdirdik. Kimga qancha va qachon to'lashi bo'yicha klubga sxema qilib berganmiz. Klub bilan kelishganmiz. To'laydigan muddatlarini imzolab bergan. SHuni ham kechiktirishmoqda",- deydi O'zPFL direktori
3. Hali mavzu yopilmagan
SHaxsan meni o'ylantirgan jihat shu bo'ldiki, klubning legionerlariga avvaldan taqiq bo'lgan. Ammo "Xorazm" bilan o'yinga ozgina qolganda ruxsat berilgan. Ochig'i mazkur holatni tushunmadim. O'zPFL direktori buni shunday izohladi: "Biz uchun klubni jazolashdan ko'ra futbolchilarga qarzdorliklarini to'lattirib berganimiz yaxshi. Turli bahonalarni keltirishgach oxirgi kafolat xatini oldik. Bu mavzu yopildi, deganimas. Keyingi turlarda yana tushmaslik ehtimoli ham bor",- deydi Diyor Imomxo'jaev.
4. Xulosa
Mavzudan shunday xulosaga kelish mumkinki, bu erda O'zPFLning aybi rasmiy sayti orqali futbol ommasiga xabar bermaganida. CHunki buni hamma turlicha talqin qildi. "Andijon"ning aybi hali hamon qarzdorliklarni bartaraf etmay vajlar keltirayotganida. Oxiri nima bo'ladi? Klub tezroq avvalgi futbolchilar va boshqa xodimlari bilan qarzdorlikni bartaraf qilishi shart. Aks holda legionerlar bilan bog'liq taqiq davom etishi mumkin. Har holda O'zPFL rahbarining yuqoridagi fikridan shuni angladik.
Abdulaziz Iskandarov
Bosh sahifaga
303