"Lokomotiv" stadionida o'tgan mashg'ulotdan oldin "Persepolis"ga ko'chib o'tgan SHerzod Temirov intervyu berdi.
"Persepolis"ga o'tish haqida...
— "Persepolis" Osiyoning eng kuchli jamoalaridan biri sanaladi. Men uchun taklifni o'ylab o'tirishga ham hojat bo'lmadi. Qoniqarli bitim taklif qilishgani, shuningdek, klub rahbariyati hamda murabbiyi xohishi bildirgani uchun jamoa safiga borib qo'shildim.
Eron klubiga moslashish qiyin bo'lmadimi?
— Jamoadagi ko'pchilik futbolchining yoshi katta. Ular meni yaxshi qarshi olishdi hamda moslashishim uchun yordam berishmoqda. O'z o'yinim bilan ularning ishonchini oqlashga harakat qilaman.
Terma jamoaga ilk bor legioner sifatida chaqirildingiz. Hissiyotlar qanday?
— Terma jamoaga chaqiruvdan keyingi hissiyotlar haqida gapirishga til ojiz. Umumiy ikkinchi, legioner sifatida ilk bor chaqiruv oldim. Xudo xohlasa, ustozlarim ishonchini oqlashga harakat qilaman.
"Navruz Cup" musobaqasidan nimalar kutyapsiz?
— Namangandagi turnirda yaxshi ishtirok etishga hamda kelgusida yurtimiz bayrog'ini yuksakka ko'tarib, terma jamoa bilan jahon chempionatiga chiqish uchun bor imkoniyatimizni ishga solamiz.
Bosh sahifaga
3065