“Qo'qon-1912” jamoasi Toshkent shahrida o'quv mashg'ulotlarini o'tkazmoqda

O'zbekiston milliy terma jamoasi 25 va 29 mart kunlari Namangan shahrida tashkil etiladigan “Navro'z kubogi” halqaro turnirida ishtirok etadi. 

CHempionatda yuzaga kelgan tanaffusdan unumli foydalanish maqsadida Baxtiyor Ashurmatov boshchiligidagi “Qo'qon-1912” jamoasi Toshkent shahrida o'quv-yig'in mashg'ulotlarini o'tkazmoqda. Futbolchilar kecha Toshkentda to'planishdi hamda mashg'ulotlarni boshlab yuborishdi. Bugundan “shunqorlar”ning mashg'ulotlari kuniga ikki mahaldan bo'lib o'tadi. Mashg'ulotlarda O'zbekiston milliy terma jamoasi yig'iniga chaqirilgan Javohir Sidiqov ishtirok etmayapti. Qolgan barcha jamoa azolari mashg'ulotlarda astoydil ter to'kishmoqda. Jamoa murabbiylarining rejalariga ko'ra Toshkent yig'ini 26 martga qadar davom etishi ko'zda tutilgan. 

“Qo'qon-1912” jamoasi Coca Cola Superligasidagi navbatdagi 4-tur uchrashuvini Bekobodning “Metallurg” jamoasiga qarshi o'tkazadi. 

“Qo'qon-1912” – “Metallurg” bahsi 31 mart kuni, soat 18:30da, Yaypandagi “O'zbekiston” stadionida bo'lib o'tadi.