"Birinchi navbatda O'FAga ushbu musobaqaga bizni taklif qilishgani uchun o'z minnatdorchiligimni bildiraman. Ushbu musobaqa bo'lajak rasmiy musobaqalarga tayyorgarlik vazifani o'tab beradi deb o'ylayman", - dedi Milutin Sredoevich.
- Ushbu musobaqadagi jamoalarning imkoniyatlarini qanday baholaysiz?
- Bir faktni aytib o'tishim kerakki, O'zbekiston Osiyo futbolining o'chog'i hisoblanadi. Srechko Katanec Sloveniya terma jamoasi bilan Jahon chempionatida ishtirok etgani uning qanday kuchli murabbiyligini ko'rsatib turibdi.
Ertangi raqibimiz Tojikistonga qarshi bor kuchimiz bilan o'ynab g'alaba qozonishga harakat qilamiz. Petar Segrt Yurgen Klopp bilan birga bitta murabbiylik maktabida o'qigan. U ko'plab shogirdlarni etishtirib bergan. O'zbekiston va Uganda iqlimi farqli, agar ertaga shu narsa bizga halal bermasa g'alaba qozona olamiz.
- Namanganga barcha kuchli futbolchilarni olib keldingizmi yoki jarohat olganlar bormi?
- Jarohat olganlar bor, ammo men ular haqida aytib, yig'lab o'tirishni xohlamayman. Tarkibimizda bor futbolchilar bilan o'ynaymiz.
- Nima uchun asosan Afrikada faoliyat olib borasiz?
- Serbiyada juda samarali faoliyat olib borganman. Afrikadan taklif tushdi va uni qabul qildim. Bu erdagi 20 yillik faoliyatimda 17ta sovrin yutdim. Saudiya Arabistoni va boshqa arab davlatlaridan takliflarni rad qilganman. Afrikalik futbolchilarga mehr tarqataman va ularni yuqori darajaga olib chiqishga harakat qilaman.
Bosh sahifaga
243