Bir necha kun avval "Roma" klubi hujumchisi Eldor SHomurodov O'zbekiston milliy terma jamoasi yig'inlari doirasida o'zining Italiyadagi faoliyati haqida intervyu bergandi. Bu suhbat italyan nashrlarigacha etib bordi.
Italiyadagi juda ko'p nashrlar Eldorning ushbu intervyusini "Agar "Roma" safida maydonga tushmasam, unda klubdan ketaman" sarlavhasi ostida chop etishdi.
Hamyurtimiz Eldor SHomurodov esa ushbu xabarlarga o'z instagram sahifasida italyan tilida izoh berdi:
"Hammaga salom. Mening tarjima qilingan intervyularimning birida agar "Roma" safida o'ynamasam, klubdan ketishga tayyorligim haqida aytilgan. Men hech qachon bunday demaganman. "Roma"ning bir bo'lagi ekanligimdan mamnunman va har kuni o'z ustimda yaxshiroq ishlashni xohlayman. SHu orqali jamoadoshlarim va murabbiyga ko'proq yordam bermoqchiman", -deb yozadi Eldor SHomurodov.
O'sha intervyuning o'zbek tilidagi asl ko'rinishida qo'yidagi so'zlar aytilgandi:
- Rejangizda keyingi mavsum ham "Roma"da qolish niyati bormi?
- Klub bilan amaldagi shartnomam bor. Agar o'ynaydigan bo'lsam qolishni xohlayman, lekin ko'p vaqt zaxirada o'tirish niyatim ham yo'q.
Quyidagi videoda Eldor SHomurodovning so'zlarini eshitib, vaziyatga o'zingiz baho berishingiz mumkin:
Eldor SHomurodov: "Mourinyu bilan munosabatim boshidagidek emas, lekin..."
Bosh sahifaga
76
