"Avvalo "Mashal" jamoasini g'alaba bilan tabriklayman. Raqib yaxshi shakllangan jamoa. Ular tashabbusni qo'lga olishini oldindan bilar edik. Ayrim xatolarimiz evaziga shunday natija qayd etildi. Yigitlarga rahmat aytmoqchiman. Imkon darajasida harakat qilishdi. Tarkibimiz boshqa jamoalarga nisbatan ancha yoshroq",- dedi Ruslan Ahmedov.
- O'z vaqtida "Mashal"da faoliyat olib borgansiz. Bu jamoani qay darajada o'rgangan edingiz?
- Bir nechta shogirdlarim hozir "Mashal"da o'ynamoqda. Ularning taktikasini o'rganib chiqqan edik. Qaerda ishlashimdan qatiy nazar, shogirdlarim munosib to'p tepsa xursand bo'laman.
- Birinchi bo'limda ikki jamoa ham bittadan yaxshi vaziyat yarata olishdi. Sizningcha, bu juda kam emasmi?
- Bu ehtiyotkorlik bilan bog'liq. CHunki jamoamizda tajriba etarli emas. Bular endi o'sayotgan futbolchilar. Agar tajribali ijrochilarimiz ko'p bo'lganda boshqacha taktikada o'ynar edik. Misol uchun oddiy vaziyatda darvozabonimiz oldinga chiqib ketdi. Hammasi tajribaga aloqador. Umuman olganda jamoamdan shikoyatim yo'q. Hujum qilish borasida ishlashimiz kerak.
- O'zbekiston kubogida "Xorazm"ning guruhdan chiqish imkoniyatini qanday baholaysiz?
- Guruhda Superliganing ikki klubi bilan kurashishimiz qiyin albatta. Ammo harakat qilamiz. Futbolda oldindan hech narsa deb bo'lmaydi.
- O'tgan turda "Andijon" bilan o'yindan so'ng raqib bosh murabbiyi Viktor Kumikov suv yo'qligi haqida tanqidiy fikr bildirdi. Bu borada fikringiz qanday?
- Jamoani shaxsiy stadioni yo'q. Hozirda BO'SM stadionida raqiblarni qabul qilyapmiz. Qaysidir manoda buning bizga aloqasi yo'q. Suv bo'lmagani haqidagi savolga texnik xodimlar javob bergani maqul.
Bosh sahifaga
233