O'yindan keyin "Aral Samali" sport direktori Islambek Seytnazarov fikrlarini bildirib o'tdi.
"Yaxshi o'yin guvohiga aylandik. "Andijon" jamoasini g'alaba bilan tabriklayman. Navbatdagi bahslarda omad tilayman. Biz keyingi o'yinga tayyorgarlik ko'ramiz", – dedi Islambek Seytnazarov.
- Bugungi qaydnomadan bosh murabbiy Timur Turdiev o'rin olmadi. Qolaversa, jamoa shifokori ham yo'q...
- Timur Turdiev Pro licenziyasiga o'qimoqda. Hozir Qozog'istonda. SHifokorimiz Nukusda. SHifokor bor, faqat sport shifokori yo'q. Hozircha yordamchi murabbiy ham yo'q.
- "Aral Samali" 20 yildirki, Superligada qatnashayotgani yo'q. Bu borada maqsad bormi?
- Albatta, niyatimiz bor, ammo stadionimiz, qarorgohimiz tayyor emas.
- Futbolchilar ilk daqiqalardan mag'lubiyatga uchrashi aniqdek ishtiyoqsiz harakat qildi. Bunga sabab nima?
- G'alabaga bo'lgan ishtiyoq bor. Jamoamiz azolarining yarmi o'zgardi. Tarkibimizda o'tgan yilgi o'yinchilardan 5-6 nafari qoldi. Yigitlar so'zsiz yutuq uchun harakat qilishdi, biroq hammasi kutilganidek bo'lib chiqmadi.
- Klub rahbariyati jamoaga etibor qaratyaptimi?
- Hozirda Qoraqalpog'istonda Birinchi ligada va Pro ligada jamoalar bor. Biz xususiy sektorga qarashlimiz. Xudo xohlasa hammasi yaxshi bo'ladi, deb o'ylayman.
Bosh sahifaga
224
