O'yindan keyingi matbuot anjumanida "Buxoro" jamoasi bosh murabbiyi Hakim Fuzaylov ishtirok etdi.
"Pro ligada hech bir o'yinda bo'shashishga haqqimiz yo'q. O'yindan ikkita xulosa oldim. Birinchi bo'limda agressiv harakat qilishimiz natijasida hisobni ochdik. SHundan keyin pasayish kuzatildi. Futbol bunday xatolarni kechirmaydi. Ikki ochko yo'qotdik. Kurash davom etadi. Yo'qotilgan ochkolarni topish oson bo'lmaydi.
Maqsadimiz – Superligaga chiqish. Meni shuning uchun taklif qilishdi. Oldinda o'yinlar ko'p. Kurash to'xtamaydi. Uyda imkoniyatdan foydalana olmaslik, alamli, albatta. Xavotirli joyi yo'q. Pro ligada istalgan jamoa kutilmagan "sovg'a" tayyorlashi mumkin.
Zaxiradan maydonga tushgan futbolchilarga kelsak, "Buxoro" futbolining afsonasi SHavkat Salomovning harakatlari yoqdi. Qolganlar ham o'zini ko'rsatishga harakat qilishdi", – dedi Hakim Fuzaylov.
Bosh sahifaga
152
