“ECHLda g'olib bo'lish uchun asosiy davogar bo'lishi kutilgan “Yuventus”ni dog'da qoldirdik. Endi esa “Bavariya” bilan o'ynashimiz kerak. Ular “Yuventus”dan ham ko'ra qiyinroq raqib. Bizga og'ir bo'ladi.
Sizning orzularingiz bo'lishi kerak, ularni amalga oshirish uchun esa ko'p mehnat qilish lozim. Orzularimdan biri esa keyingi mavsum evrokuboklarda qatnashish. CHempionlar Ligasi chorak finalidamiz va hozirgi orzum musobaqada g'olib chiqish. “Vilyarreal” bilan bunga imkon bor”, deydi Emeri.
Eslatib o'tamiz, “sariq suvosti kemasi”ning 1/4 finaldagi raqibi “Bavariya” bo'ladi va ular o'rtasidagi dastlabki uchrashuv 6 aprelga belgilangan. Javob o'yini esa 12 aprelda bo'lib o'tadi.
Bosh sahifaga
215