Bu Osiyo Kubogi saralashi oldidan so'nggi yig'in bo'ladi.
VIDEO O'zbekiston futzal MTJ mashg'uloti + Ahmedov, Usmonov va Eshonqulov bilan intervyu
Bugun vakillarimiz ana shu yig'in doirasida Qirg'iz Respublikasi terma jamoasiga qarshi o'rtoqlik o'yini o'tkazadi. Uchrashuv Toshkentdagi "Yunusobod" sport majmuasida bo'lib o'tadi va 13:00da boshlanadi.
Ushbu bellashuv hech bir telekanal yoki platformada jonli translyaciya qilinmaydi. Mehmonlar murabbiylari o'yinni translyaciya qilmaslikni so'rashgan. Lekin, arenaga muxlislar kirishi mumkin. OAV xodimlari uni yoritishi ham mumkin, faqatgina o'yin to'liq ko'rsatilmaydi.
Eslatib o'tamiz, Osiyo Kubogi saralash bosqichi uchrashuvlari 10-12 aprel kunlari Qirg'iz Respublikasining Bishkek shahrida bo'lib o'tadi.
O'zbekiston terma jamoasi Markaziy va Janubiy mintaqaning "B" guruhida Nepal, Tojikiston va Afg'oniston bilan kurash olib boradi. Qirg'iz Respublikasi esa shu mintaqaning "A" guruhida Eron, Turkmaniston hamda Maldivga raqiblik qiladi.
Bosh sahifaga
166
