"Tojikistonlik barcha muxlislarni g'alaba bilan tabriklayman, ular uchun bu ko'p narsani anglatadi. SHuningdek, Qirg'iz Respublikasini ham tabriklayman. Bugun har ikki jamoada ham yaxshi imkoniyatlar bo'ldi. Biz bugun aqlliroq o'yin namoyish etdik va g'alaba qozondik. Bugungi o'yin Uganda bilan o'yindan ancha farq qildi. Yosh jamoamiz ancha yaxshi harakat qildi. Hakam ko'p qizil kartocha ko'rsatib yubordi, biroq ularning har biri to'g'ri ko'rsatildi. Hakam uchrashuvni yaxshi boshqardi. Bugun muxlislar ajoyib tarzda bizni qo'llab-quvvatlab turdi. Biz yangi futbolchilarning o'sishiga yordam berishimiz kerak. Umid qilamanki, yosh avlod bilan Osiyo chempionatining saralashida g'alaba qozonib, final bosqichiga chiqishga harakat qilamiz. Yana bir bor Qirg'iz Respublikasiga minnatdorchilik bildiraman, ular bilan iyun oyida yana bir bor uchrashamiz. Bugungi g'alaba biz uchun muhim edi, chunki jahon chempionatining sarashida biz ularga mag'lub bo'lgandik.
Bizga qaerdan gol urishning farqi yo'q. Penaltidanmi, jarimadanmi, bu ahamiyatsiz. Muhimi — gol kirita bilish. SHuningdek, bizda hali chepionat boshlanmadi, futbolchilarim ham to'liq tayyor emas. Siz to'g'ri aytingiz, biz gol urishda ancha qiynaldik. Men jamoaga kelganimga ko'p bo'lmadi, hali qilinadigan ishlar bisyor. Barcha shogirdlarimdan minnatdorman. Ular bor imkoniyatlarini ishga soldilar.
O'zbekiston terma jamoasi Tojikiston terma jamoasi bilan o'ynay olmadi. Biz bilan yurtingizdami yoki Tojikistonda o'rtoqlik o'yiniga rozi bo'lgan bo'larmidingiz?
O'zbekiston juda kuchli raqib. Biz ularga qarshi to'p tepishga tayyormiz. Men har bir jurnalistni yurtimizga taklif qilgan bo'lardim, biroq bu mening qo'limda emas. SHuningdek, yana bir bor O'FAga ajoyib turnirni tashkil etgani uchun minnatdorchilik bildiraman. O'zbekiston ahliga ham rahmat aytaman", — dedi Tojikiston bosh murabbiyi.
Bosh sahifaga
3290