- O'yin haqida
- Fikrimcha, juda yaxshi o'ynadik. Yaxshi uchrashuv o'tkazib, 4 ta gol urdik. O'ylaymanki, 6 ta gol urilgan o'yin muxlislarga manzur keldi. Barchani g'alaba bilan tabriklayman!
Birinchi taymda juda shiddatli o'yin ko'rsatdik. Biz g'alabaga loyiq edik. Uganda oddiy terma jamoa emas, buni o'zingiz ko'rdingiz. Tanaffus paytida futbolchilardan yanada faol bo'lishni talab qildim. Sustkashlikka yo'l qo'ygan vaziyatlarimizda ular bizni jazolashdi.
Bu o'rtoqlik musobaqasi juda muhim edi, men ko'plab futbolchilarni sinab ko'rdim.
- Nazdimizda, eng zaif chizig'imiz – himoya. Bu borada nima deya olasiz?
- Bu fikringizga to'liq qo'shilmagan bo'lardim. Himoyamiz bilan hammasi joyida. To'g'ri, gol o'tkazib yubordik, ammo bu himoyadagi xatolar tufayli bo'lmadi. Agar ular urgan birinchi golni ko'rganingizda bunday demagan bo'lardingiz. Ugandaning ikkinchi goli chiroyli chiqdi, himoyachilarimiz to'sqinlik qila olishmadi.
- O'zbekiston terma jamoasi Qirg'iz Respublikasiga qarshi kechgan o'yinga qaraganda Uganda bilan bahsda yaxshiroq o'ynadi...
- Bu borada hozir aniq bir fikr bildira olmayman. Ammo Qirg'iz Respublikasi bilan o'yinda yaxshi o'ynagandik. Afsuski, birinchi taymda gol ura olmadik, tezkor gol o'tkazdik. Biroq bu futbolda uchrab turadigan holat. Birinchi taymda ancha shiddatli o'ynadik, ko'p imkoniyatlar yaratdik. Raqib himoyaga etibor qaratgani tufayli qiyinchilikka uchradik. Ilgari mashhur bo'lmagan jamoalar ham hujumga o'tishga urinishardi, ammo bugungi kunda himoyaga "yotib olish" ko'payib ketdi. Oldin bu uyat sanalardi.
- Bu o'yinlar Osiyo Kubogi saralashi oldidan o'tkazildi. Tojikiston, Qirg'iz Respublikasi darajasini qayday baholaysiz?
- Boshqa jamoalarni o'zimiz bilan taqqoslay olmayman. Men asosan, o'z terma jamoamizga etibor beraman. Bizda mahoratli futbolchilar yig'ilgan. Muhimi, jarohatlar kuzatilmasligi.
Bosh sahifaga
106
