O'yindan so'ng terma jamoamizning yordamchi murabbiyi Nodir Eliboev fikrlarini bildirdi.
"Qirg'iziston bilan o'yin saralash bahslaridan oldin ayni muddao bo'ldi, deb o'ylayman. CHunki guruhimizda Tojikiston, Nepal, Afg'oniston o'rin olgan. Yigitlar hali optimal formada emas. Bu ikki o'yinda turli taktikalarni sinovdan o'tkazdik. Ayrim yosh futzalchilar tekshirib olindi. SHunga qaramay ko'nglimiz to'ldi", - deydi Nodir Eliboev.
- Bugungi bellashuvda birinchi va ikkinchi bo'lim oxirlarida ustunlik raqib tomoniga o'tdi. Umuman olganda ularning o'yiniga moslashib qolgandek ko'rindi...
- Bunday demagan bo'lardim. Raqibimiz oldinga o'tishi, biz esa o'yinni nazorat qilishimiz kerak edi. Yarim maydonda xotirjam harakat qildik. Darvozabon o'z ishini yaxshi bajardi.
- Agar Rustam Umarovning seyvlari bo'lmaganida, balki gol o'tkazishimiz mumkin edi. Bu borada fikringiz qanday?
- Kerakligi ikkinchi bo'limda himoyamizni ko'rib oldik. O'yinni 5 daqiqasini mudofaada o'tkazib qarshi hujumimizni tekshirdik. Barchasi rejadagidek.
- Saralash bosqichi mezboni Bishkekda ham o'rtoqlik uchrashuvi o'tkazilishi ko'zda tutilganmi?
- 3,4 sanalarda o'rtoqlik o'yinida ishtirok etishimiz kerak edi. Ammo malum sabablarga ko'ra amalga oshmay qoldi. Turkmaniston terma jamoasini mamlakatdan chiqarishmadi. SHu bois to'g'ri saralashga yo'l olamiz.
- Ko'nglingiz to'lmayotgan jihatlar bormi?
- Jalb qilingan yangi futzalchilarga kamidi bir yoki ikki yil vaqt berishimiz kerak. Hech kim birdaniga o'ynab ketgani yo'q. Yoshlarimiz bor. "Dinamo" jamoasiga katta rahmat aytaman. Dilshod aka ko'p o'yinchilarni etishtirib beryaptilar. Bu bizning yutug'imiz. Ravshan Eliboev 4 aprel kuni safimizga qo'shiladi. Abbos Elmurodov, Rustam Umarov kabi posbonlarimiz shay. Oldinda yig'inlarimiz yana bo'ladi. Eng kerakli va optimal holatdagi tarkib bilan musobaqaga boramiz.
Bosh sahifaga
2159