“Fayzqand”ga o'tishi xususida
- Bu klubga o'tishim oddiy holatda ro'y berdi. Internet orqali jamoa boshlig'i aloqaga chiqib, jamoasiga chaqirdi. Ular meni avvaldan bilishini va jamoaga yordam berishimni aytishdi. Gaplashib, muzokaralardan keyin shartnoma imzoladim. To'g'risi, o'tgan mavsum “Buxoro”da o'yin amaliyotiga ega bo'lmadim, shu sababli ham bu variantni qabul qildim. “Fayzqand” safida o'ynab, yanada kuchliroq holda o'zimizga qaytishni maqul topdim. O'ylaymanki, qarorim o'zini oqlaydi.
Yaratilgan sharoitlar borasida
- Jamoada sharoitlar juda yaxshi. Bu yil yangi jamoa shakllanmoqda. Eng muhim jihati, odamgarchilik birinchi o'rinda turadi ekan. SHu tomoni menga juda maqul keldi.
“Xo'jand” bilan kelisha olmagani haqida
“U erda ham qolishim mumkin edi. Biz moliyaviy tomonlama kelisha olmadik. Natijada, “Xo'jand”ga o'tishim amalga oshmay qoldi.
O'zbek klublaridan takliflar to'g'risida
- Yashirmayman, o'zimizning jamoalarimizdan takliflar bo'ldi. Lekin o'tgan mavsumda o'ynamaganim sababli, o'zimga bo'lgan ishonch kamaygandi. Tojikiston chempionatiga yo'l olib, u erda ko'proq o'yin amaliyotiga ega bo'lsam, avvalgi sport formamni tiklagan bo'laman. Keyinchalik o'zbekistonning birorta jamoasiga yo'l olishim mumkin.
Rejalari haqida
- Maqsadim joriy mavsumda “Fayzqand” safida ko'proq gollar urib, kelasi yilda O'zbekiston Superligasiga kuchli bo'lib qaytishni niyat qilganman. Xudo xohlasa, maqsadimga erishaman.
Bosh sahifaga
75
