JCH-2022 qura tashlash marosimidan so'ng darhol FIFA taqvimni elon qildi: turnir 21 noyabr kuni Niderlandiya va Senegal o'rtasidagi o'yin bilan Toshkent vaqti bilan soat 15:00 da boshlanadi.
Dastlab FIFA mezbon jamoa, yani Qatar va qura bo'yicha raqib bo'lgan Ekvador ananaga ko'ra ochilish o'yinida maydonga tushishini bildirishgan edi. Oxir-oqibat ularning o'yini 21:00 ga ko'chirildi.
Nega bunday bo'ldi?
FIFA tomoshabinga moslashish asosida taqvim tuzadi: Qatar kichik mamlakat (aholisi 2,8 million kishi) va ko'plab muxlislarni qabul qila olmasligi sababli, jahon chempionatining asosiy auditoriyasi turnirni televidenie va striming xizmatlari orqali kuzatib boradi. Tashkilotchilar har bir tomoshabinning vaqt mintaqasini hisobga olishi kerak.
Agar Evropada bu jarayon juda oddiy bo'lsa, Janubiy Amerika jamoalarining taqvimi bilan bog'liq vaziyat ancha murakkab. Qatarning ochilish o'yini aynan Ekvador tufayli qoldirildi: agar ular Qatar vaqti bilan tushdan keyin o'ynaganida, Ekvadorda ertalabgi 5 ga to'g'ri kelardi. FIFA qitaning aholi soni bo'yicha oltinchi o'rinda turadigan mamlakatini (20 million kishi) o'yindan yoki shirin uyqusidan mahrum qilishni istamadi.
Amerika bilan ham shunday hodisa sodir bo'ldi, ularning o'yini Qatardan so'ng 00:00 da start oladi.
Bu voqea ilgari sodir bo'lganmi?
2002 yil Yaponiya va Janubiy Koreyada bo'lib o'tgan jahon chempionatiga qadar turnir amaldagi chempion ishtirokidagi o'yin bilan boshlangan, biroq chempionga keyingi jahon chempionatiga avtomatik yo'llanma berilmagani sababli, bu anana to'xtatilgan edi.
O'shandan beri mezbonlar doimiy ravishda dastlabki bahsda maydonga tushishardi. Endi bu anana ham buzildi.
Ochilish o'yini haqida nima deyish mumkin?
Hozircha malum emas. Qatar o'yinini qoldirish qaroridan keyin FIFA bu mavzuni ko'tarmadi.
Bosh sahifaga
3506