- O'yin haqida
- SHiddatli, tezkor va qarshi hujumlarga boy uchrashuv ko'rdik. O'ylaymanki, durang adolatli natija bo'ldi. Bizda ham, "Lokomotiv"da ham bir qancha qulay imkoniyatlar kuzatildi. Hech qanday vaqt cho'zishlarsiz, qiziqarli uchrashuv guvohiga aylandik. Hech bir jamoa ikkinchi raqam ostida o'ynamadi.
- Siz futbolchilik davringizda chempionat va kubok uchrashuviga qanday qaragansiz? Hozirgi futbolchilar bunga qanday qarashadi?
- Boshqalarni bilmadim-u, lekin men har bir o'yinga astoydil tayyorgarlik ko'rardim, hozir ham xuddi shunday. Maydonga tushgandan keyin hammasini muhim hisoblab, maydonda astoydil to'p tepish lozim.
- AGMK ushbu mavsumda birorta "quruq" o'yin o'tkazmadi, hamma uchrashuvda gol o'tkazmoqda. Savolim: siz Tojikiston chempionati futbolchisi (Andrey Mishenko – tahr.) evaziga himoyani kuchaytira oldim, deb o'ylaysizmi? Mishenkoning joriy mavsumdagi o'yiniga qanday baho berasiz?
- Mavsum endigina boshlandi, hali tugamadi. Jo'jani kuzda sanaymiz. To'ydan oldin nog'ora chalmaymiz. Hozircha yomon taassurot qoldirayotgani yo'q.
- AGMKda hujum bilan bog'liq muammo ham ko'zga tashlanmayaptimi? 2 ta hujumchi bilan harakat qilish haqida o'ylab ko'rmaganmisiz?
- Bu haqda boshida ham aytib o'tganman. CHempionat davomida buni amalga oshiramiz. Qolaversa, bugun ham yangi taktik sxemada o'yin olib bordik. Yangi taktikani sinovdan o'tkazdik. Mavsum boshidanoq kutilmaganda jarohatlar kuzatila boshlandi. Sekin-asta to'liq tarkib bo'lyapmiz. Vaziyatdan kelib chiqib hammasini tatbiq etamiz.
Bosh sahifaga
2919