Otabek G'ulomxo'jaev boshqaruvidagi jamoa dastlabki kunni "Bobur Arena" (sobiq “Sog'lom avlod”) stadionida bir mahallik mashg'ulot bilan o'tkazdi.
Mazkur yig'inga murabbiylar 40ga yaqin futbolchini jalb qilganini aytish mumkin. Championat.asia sayti malumotiga ko'ra, “Burgutlar”ning dastlabki o'quv-yig'iniga taniqli nomlardan Sunnatilla Mamadaliev va Eldor Boymatov taklif etilgan. Muxlislarga yaxshi malumki, ushbu markaziy yarim himoyachilar o'tgan mavsumni PRO-Ligada Toshkentning “Oq-Tepa” jamoasida o'tkazishgandi. Bundan tashqari har ikki futbolchini ham 2018 yili PRO-Ligada “Andijon” sharafini himoya qilganini eslatish joiz. 2017 yili “Andijon” jamoasida PRO-Ligada o'ynagan yana bir himoyachi Kemran Najafaliev ham “Andijon” ko'rigida bo'lib turibdi. 21 yoshli futbolchi o'tgan mavsum birinchi ligada Toshkentning “Rubin” jamoasida o'ynagandi. SHu o'rinda malumot uchun Kemran Najafaliev nazoratchi hakam Sardor Najafalievning kenja o'g'lidir.
Ulardan tashqari Toshkentning “Bunyodkor” jamoasidan ikki nafar iqtidorli posbonlar – Javohir Qilichev va Jahongir Umurzoqovni taklif etilganini ko'rish mumkin.
SHuningdek ilgari “Andijon” yoshlar jamoasida o'ynagan Ahror O'ktamov, Jahongir Mahsudov, sobiq “O'zDongJu” jamoasida faoliyat yuritgan Abdurahmon Komilov va Davron Farhodov. “Andijon-2” jamoasidan Anvar Nazirov, Asliddin Abdumuxtorov, Dilmurod Abduqahhorov shular jumlasidan.
2020 yilgi mavsumda “Andijon” libosida xarakat qilganlardan Usmonali Ismonaliev, Baxtiyor Qosimov, Rustam Qo'chqorov, Jamshid Xomidov, Doniyor Abdumannopov, Farhod Sohibjonov, Muhammadali Tursunov singari futbolchilar tarkibda saqlab qolingan.
Hujumchi SHahboz Jumaboev jarohati borligi sababli hozircha mashg'ulotlarda ishtirok eta olmayapti.
Murabbiylar shuningdek viloyatdagi iqtidorli yosh futbolchilarni ham ko'rikka taklif etgan. Ularni sinov-nazorat o'yinlari orqali saralab borish rejalashtirilgan.
Bosh sahifaga
206