"Ajdarlar"ning guruh bosqichidagi dastlabki raqibi Qatarning "Al Sadd" jamoasi.
Bugun "Nasaf" OCHLdagi yurishini boshlaydi
OCHL guruh bosqichidagi beshinchi urinish besh bo'lsin
Pley-off bosqichida safarda BAAning "Baniyas" klubini mag'lub etgan "Nasaf" OCHL guruh bosqichiga yo'llanmani qo'lga kiritdi. Joriy yilgi ishtirok klub uchun OCHLdagi beshinchisi hisoblanadi. Jamoa avvalgi 4ta (2012, 2015, 2016, 2018 mavsumlar) musobaqada guruhdan chiqish vazifasini bajara olmagan. Xalqaro maydondagi eng yaxshi natijasini esa 2011 yil OFK kubogida qo'lga kiritgan edi.
OCHL. "Paxtakor" va "Nasaf"ning guruh o'yinlari taqvimi (to'liq)
"Nasaf"ning Qatar klublariga qarshi statistikasi
Ro'ziqul Berdiev shogirdlari Qatar klublari bilan umumiy hisobda OCHL guruh bosqichida 6 marotaba to'qnash kelgan. Bugungi o'yin tarixdagi 7 hisoblanadi. O'tkazilgan oltita o'yinning bittasida "Nasaf" g'alabani o'ziniki qilgan bo'lib, 2018 yil Qarshida "Al Sadd"ni 1:0 hisobida mag'lub etgan. Bu hozircha Qatar klublari ustidan qozonilgan yagona g'alaba bo'lib turibdi.
03.04.2012. "Al Rayyan" - "Nasaf" 3:1
18.04.2012. "Nasaf" - " Al Rayyan" 0:1
16.03.2016. "Al Jaish" - "Nasaf" 1:0
05.04.2016. "Nasaf" - "Al Jaish" 0:0
05.03.2018. "Nasaf" - "Al Sadd" 1:0
13.03.2018. "Al Sadd" - "Nasaf" 4:0
Bevosita raqib haqida to'xtalsak, "Al Sadd" o'tgan mavsum Qatar Yulduzlar Ligasini 62 ochko bilan chempion sifatida yakunladi. Jamoani ayni vaqtda ispaniyalik Xavi Grasiya boshqarmoqda. Ushbu mutaxassis "Valensiya", "Uotford", "Malaga", "Rubin" jamoalaridagi faoliyati bilan tanish sanaladi. Tarkibida Abdulkarim Hassan, Meshal Barsham, Sadd Al SHib, Toriq Salmon, Bualem Xuxi, Pedro Migel, Akram Afif, Hasan Al Haydos, Rodrigo Tabata singari Qatar terma xamoasi futbolchilari bor. Legionerlardan Santi Kasorla, Bag'dod Bougedja, Andre Ayyu kabi yulduzlarga ortiqcha tarif berish shart emas, deb o'ylaymiz.
"Al Sadd"ning OCHL uchun tarkibi
Darvozabonlar: 1. Saad Al SHib, 22.Meshal Barsham, 31. Yusuf Balideh, 32. Karim Haydar Dib, 97. Abdalla Abrahim.
Himoyachilar: 2. Pedro Migel, 3.Abdulkarim Hassan, 4. Ahmed Sayyar, 6.Toriq Salmon, 16. Bualem Xuxi, 20. Salim Al Hajri, 70. Musaab Hidir Muhammad
Yarim himoyachilar: 5. Jung Voo Yung (Janubiy Koreya), 7. Muhammad Al Bayati, 8. Ali Asadalla, 9. Yusuf Abdurisag Yusuf, 12. Rodrigo Tabata, 13. Abdulla Al Yazidi, 17. Gilerme (Braziliya), 18. Muhammad Al Qurayshi, 19. Santi Kasorla (Ispaniya), 23. Ahmad Al Said, 44. Mahdi Al Mejaba, 45. Abdulrahmon Al Naimi, 47. Faysal Azadi, 95. Talal Al SHaibi
Hujumchilar: 10. Hasan Al Haydos, 11. Bag'dod Bounedja (Jazoir), 15. Akram Afif, 24. Andre Ayyu (Gana), 90. Abdulrahmon Al Dosari
OCHL-2022. "Al Sadd" bosh murabbiyi: "Nasaf"ga qarshi o'yin qiyin bo'lishi aniq, ammo musobaqani g'alaba bilan boshlamoqchimiz"
"Nasaf"ning tarkibi va yo'qotishlar
Afsuski, Saudiya Arabistoni safaridan oldin "Nasaf"ning qanot himoyasidagi muhim bo'lagi SHerzod Nasrullaev "Lokomotiv" bilan o'yinda jarohat olib safdan chiqdi. SHuningdek, G'olib G'aybullaev ham jarohati sabab jamoaga yordam bera olmasligi aniq. "Nasaf" Dammam shahrida bo'lib o'tadigan guruh bosqichida ishtirok etish uchun 23 nafar futbolchi bilan kelgan.
Darvozabonlar: Umidjon Ergashev, Azamat Soyibov, Abduvohid Nematov.
Himoyachilar: Alibek Davronov, Husniddin Aliqulov, G'olib G'aybullaev, Dilshod Saitov, Sardor Sadullaev, Zafarmurod Abdirahmatov, Umarbek Eshmurodov.
Yarim himoyachilar: Murodbek Rahmatov, SHarof Muhitdinov, Ivan Solovev, Suhrob Nurulloev, Bahrom Abdurahimov, SHahzod Akramov, Akmal Mozgovoy, Aziz Xolmurodov, Asliddin Tursunpo'latov, Oybek Bozorov, Marko Stanoevich.
Hujumchilar: Husayn Norchaev, Semir Smaylagich.
FOTO. OCHL. "Nasaf" "Al Sadd"ga qarshi o'yin oldidan rasmiy mashg'ulot o'tkazdi GALEREYA
OCHL-2022. Ro'ziqul Berdiev: "Ertangi raqibimiz nafaqat guruhdagi, balki turnirning favorit jamoalaridan biri hisoblanadi"
VIDEO. "SAfarda". "Nasaf"ning mashg'uloti va Ro'ziqul Berdievdan intervyu
Debyutantlar
"Nasaf" safida bugun ko'p futbolchilar OCHL guruh bosqichida debyut qilishi kutilmoqda. Umarbek Eshmurodov, SHarof Muhiddinov, Bahrom Abdurahimov kabi tajribali futbolchilar jamoa libosida bir necha bor OCHL bahslarida maydonga tushishgan yani ko'nikma shakllangan, deya olamiz. Qolgan futbolchilar o'tgan mavsum OFK kubogi o'yinlari orqali bu boradagi tajribalarini oshirishdi. Endilikda ular yosh futbolchi emas. Balki o'z jamoasining etakchisidir. "Ajdarlar" 2018 yil "Al Sadd"ni yutishni uddasidan chiqa olishgan. Demak bugun yana bir bor mana shu ishni takrorlash talab etiladi. Albatta qiyin. Umid esa so'nggi pallada so'nadi. Qatar klubi ustidan qozonilgan g'alaba orqali Dammamda "dovul" bo'lishiga tilakdoshmiz. Uchrashuv bugun Toshkent vaqti bilan 22:15da boshlanadi.
 Al-Sadd | AFC Champions League Grp. E . 1-tur 08/04/2022, 22:15 - : - Boshlanmadi |  Nasaf Qarshi |
Bosh sahifaga
3631