“Neftchi” murabbiylar shtabida katta o'zgarishlar. SHorahmedov va Rahmatullaev Farg'onaga keladimi?

Sababi Ilhom Mo'minjonov malum muddatlik diskvalifikaciyadan keyin endi astoydil ishga kirishishini tahmin qilish qiyin emas. Championat.asia sayti malumotiga ko'ra, Mo'minjonov o'tgan yili jamoa sharafini himoya qilgan uch nafargina futbolchini olib qolib, qolgani bilan xayrlashgan. Bular – Islombek Karimov, Islombek Toshpo'latov va SHodiyor Xojimatov. Tarkibni to'ldirish va shu bilan birga kuchaytirish maqsadida murabbiylar shtabi selekciya ishlariga kirishib ketgan va o'tgan mavsum Superligada o'ynagan bir qator futbolchilarga jiddiy qiziqib qolgan. Aytishlaricha, AGMKdagi Bobur Yo'ldoshev, Akmal SHorahmedov va Saydullo Rahmatov. “Nasaf”dan Dilshod Rahmatullaev singari tajribali futbolchilar “Neftchi” nishonida bo'lib turibdi. Lekin futbolchilar qanday to'xtamga kelishini vaqt ko'rsatadi.

Darvoqe, Mo'minjonovgacha “Neftchi” murabbiylar shtabida faoliyat yuritib kelgan Ilhom Zaylobitdinov, Diyor Alijonov va Xislat CHilmatov bilan tuzilgan mexnat shartnomasi yakuniga etganligi sababliular bilan do'stona ravishda xayrlashishga qaror qilindi.

Ilhom Mo'minjonovga endilikda murabbiylar shtabida, Durbek Umaraliev, Dilshod Jabborov, Ruslan Ahmedxonov singari o'zining doimiy hamrohlari yordam beradi. SHuningdek ilgari “Neftchi”da futbolchi sifatida faoliyat yuritgan SHerzod Hakimov endilikda klub tizimida faoliyat yuritadigan bo'lmoqda. Olingan malumotlarga ko'ra, SHerzod Rayimjonovning ham yana klub rahbariyatiga qaytib, faoliyat yuritishi kutilmoqda.