- O'yin qiziqarli voqeliklarga boy bo'ldi. Gollar, qizil kartochkalar. O'yinning borishiga qaraydigan bo'lsangiz, biz g'alaba qozonishimiz shart edi. Juda ochiq o'yin bo'ldi. Bir vaziyat orqali biror jamoa g'alabani ilib ketishi ham mumkin edi.
- "Nasaf" bir ochko oldimi yoki ikki ochko yo'qotdimi?
- Qiyin o'yin bo'lishini bilardik, shu sababli bir ochkoga ham rozi bo'lardik. Ammo raqib avvaliga bir kishi kam bo'lib qolganidan keyin g'alabani o'yladik. Keyinchalik ular yana bir kishi kam bo'lib qoldi. Menimcha ikki ochko yo'qotdik.
- Mantiqan olib qaraganda raqibdan ikki kishi ko'p bo'lib o'ynagan taqdirda istalgan jamoa raqibini o'z jarima maydonchasi ichiga qamab, sanoqsiz zarbalar berishi kerak. Ammo 30 daqiqa ichida ikkitagina zarba kam emasmi?
- Albatta, bu bizning kamchiligimiz. Oxirgi paytlarda yo so'nggi pasni beradigan yoki so'nggi zarbani yo'llaydigan futbolchi topilmayapti. Raqiblar kamchilik bo'lib qolganidan keyin butun tarkib bilan himoyaga yotib olishdi. SHu sababli zarba berishga qiynaldik. Yoddan chiqarmang, bu "Al Sadd" jamoasi. Ular xatto kamchilik bo'lib ham darvozamiz oldida xavfli vaziyat yarata olishdi. SHuning uchun ham har qanday bunday raqiblar bilan extiyot bo'lib o'ynash kerak.
Bosh sahifaga
2952