- O'yin haqida
- Juda og'ir o'yin bo'ldi. "Olimpik"ning oldingi o'yinlarini batafsil ko'rib chiqqandik. Himoyaviy o'yin ko'rsatdik, ammo yigitlar hujumda ham yaxshi to'p tepishdi. Birinchi marta bunday katta maydonda to'p tepyapmiz.
Ikkinchi taymda ko'p vaqt cho'zishlar bo'ldi. Albatta, buni ustida ishlaymiz. "Olimpik" jamoasiga kelgusi o'yinlarda omad tilayman.
- Timur Kapadze etakchilarni olib kelmadik, deb aytdi. Siz raqibdan qanday tarkibni kutgandingiz?
- Biz asosiy tarkib kelishini kutgandik va himoyaviy uslubni joriy etgandik. "Olimpik"ni birinchi tarkibimi, ikkinchi tarkibimi, hammasini asosiy deb bilaman. CHunki Olimpiya terma jamoasi yig'ilgan, kuchsiz o'yinchining o'zi yo'q. SHogirdlarimga bahs uchun rahmat aytaman.
- Muxlislar sizni "yoshlar Pep Gvardiolasi" deb atashmoqda. Bunga munosabatingiz?
- Muxlis – bu muxlis. Ular futboldan zavq olish uchun kelishadi. O'tgan safar ham Gvardiolaga qiyoslashgandi, albatta, bundan faqat xursandman. Lekin men SHohruh Ishanovman. Jamoamiz o'yin uslubini shakllantirish uchun harakatdaman.
- Sizning tarbiyalanuvchilaringiz orasida kimlar Superligada harakatlanmoqda?
- Birinchi shogirdlarimdan Doniyor Abdumannopovni ayta olaman. Hozirgi kunda "So'g'diyona"da o'ynamoqda. O'sib kelayotgan avloddan 2005-yilda tavallud topgan o'yinchilardan umidimiz katta.
- Hujumkor futbolchi SHahboz Jumaboevni orqaroqda o'ynatdingiz. Undan hujumda foydalansangiz, ko'proq foyda bermasmidi?
- Bugungi raqibimizdan kelib chiqib shunday qarorga keldik. Himoyaviy o'yinga etibor qaratdik.
Bosh sahifaga
307