- O'yin haqida
- Hammani Ramazon oyi bilan muborakbod etaman. Futbolchilarimizga ajoyib o'yin ko'rsatishgani uchun alohida minnatdorchilik bildirmoqchiman. O'ylaymanki, o'yin muxlislarga manzur keldi. Kubokda keyingi bosqichga chiqish masalasini uydagi o'yinlarda hal etish kerak. Xudoga shukrki, futbolchilar shuni to'g'ri tushunib, maydonda bor kuchini sarfladilar. Muxlislarimizga ham rahmat!
- Ikkinchi taym avvalida birdaniga 3 futbolchini almashtirdingiz. Bu ularning o'yinidan qoniqish qilmaganingizdan dalolat beradimi?
- Yo'q, birinchi taymda kam o'yin amaliyotiga ega futbolchilarni o'ynatishga harakat qildik. O'yin borishiga qarab o'zgarishlar qildik. Xudoga shukrki, qilgan o'zgarishlarimiz samara berdi.
- Tojikistonlik legionerlarning o'yini borasida nima deya olasiz?
- Jamoaga yangi kelgan har bir futbolchi qiyinchilikka uchraydi. O'ylaymanki, ozroq vaqt kerak. Ular istedodli futbolchilar.
"O'yin qiyin o'tishini bilardik. Biz bir jamoa bo'lib harakat qildik va murabbiyimiz ko'rsatmalarini to'liq bajardik. "SHo'rtan"ga qarshi o'ynash doim qiyin bo'lgan. Muhimi, Kubok bahsidagi birinchi g'alabamizni qo'lga kiritdik. Xudo xohlasa keyingi uchrashuvlarda ham g'alaba qozonib, keyingi bosqichga chiqamiz degan umiddaman.
Ilgari himoyada o'ynardim, hozir vinger bo'lib o'ynayapman? Ha, asosan, himoyada o'ynayman. Biroq taktikaga qarab, o'ynayveraman. Asosiysi, jamoamga foydam tegsa bo'lgani", – dedi Abdug'ani Kamolov.
Bosh sahifaga
2493