- O'yin haqida
- Yuqori darajadagi bahs bo'ldi. "Zomin" uchrashuvga yaxshi tayyorgarlik ko'rgani sezildi. Birinchi bo'limda ko'plab imkoniyatlarni yo'qqa chiqardik. O'yin so'ngida gol o'tkazib, yutqazib qo'yishimiz ham mumkin edi.
- "Lokomotiv" futbolchilari diqqat-etiborni yo'qotib qo'yishdimi?
- Ha, balki diqqat-etiborni yo'qotishdi, balki raqibni mensishmadi. Lekin biz "Zomin"ni batafsil o'rganib chiqib, yigitlar bilan muloqot qilib, yaxshi tayyorgarlik olib borgandik. Biroq o'yinda golga olib keluvchi xatolarga yo'l qo'ydik. Hammasini keyinroq ko'rib chiqamiz.
- "Zomin"ning birinchi golini urgan Doniyor Usmonov yil boshida "Lokomotiv" yig'inida qatnashgandi, siz uni tarkibga jalb etmagandingiz. Goldan so'ng o'sha qaroringizdan afsuslandingizmi?
- Yo'q, afsuslanmadim. Doniyor Usmonov yig'inimizda qatnashgandi, ammo hujumchi bizga to'g'ri kelmagandi. Bugun gol urdi, yorqin o'yin ko'rsatdi. Tabriklayman va keyingi bahslarida omad tilayman.
- Jamoa o'tgan yilga qaraganda chiroyli o'yin ko'rsatmoqda. Ammo ko'p vaziyatlar ko'kka sovurilyapti. Yozgi transfer oynasida tarkibga kuchli hujumchi taklif qilishni o'ylayapsizmi?
- Yanada qiziqarli o'yin ko'rsatish niyatidamiz. Oldin ham aytganimdek, tarkibga yaxsh hujumchi qo'shib olishni istagandik, biroq munosibini topa olmadik. Biz yosh hujumchilar bilan to'p tepyapmiz, ularga imkoniyat taqdim etyapmiz. Ular tarjriba to'plab, kuchayib borishadi degan umiddaman.
Bosh sahifaga
196
