- Betaraf muxlislar uchun zo'r o'yin bo'ldi deya olaman. Maydondagi futbolchilar esa anchagina og'ir bahsni o'tkazishdi. Baribir Superliga jamoasining darajasi, saviyasi bizdan anchagina yuqori. Lekin shunga qaramasdan "Zomin" futbolchilari ham raqibdan kam o'ynamadi. Uchrashuvda "Lokomotiv"ga yaxshi raqib bo'la oldik. Durang o'ynadik. Balki bu adolatli natijadir. Biroq vaziyatlarimizdan foydalanganimizda, balki, g'alabani ilib ketgan bo'larmidik.
- Uchrashuvda jamoa ochiq futbol ko'rsatishdan qo'rqmadi.
- Murabbiylarimiz qo'rqmaslikni, ochiq o'yin ko'rsatishni ko'rsatma berishdi. Superliga jamoalariga qarshi o'ynash Pro-liga va 1-liga jamoalari futbolchilari uchun anchagina ishtiyoq taqdim qiladi. Jamoadoshlarimda ishtiyoq yuqori edi. SHu sababli ular tinmasdan yugurib, mehnat qilishdi.
- Garchi O'zbekiston Kubogida yaxshi ishtirok etayotgan bo'lsa-da, "Zomin"ning chempionatdagi ishlari yaxshi emas.
- Balki natija borasida yaxshi emasdir, biroq o'yin bobida biz raqiblardan kam emasmiz. Yil boshidan beri liganing eng yaxshi jamoalariga qarshi bahs olib bordik. O'sha o'yinlarda g'alabaga erishishimiz mumkin edi, o'sha o'yinlarda ham xuddi bugungi kabi ko'plab vaziyatlardan foydalana olmadik. Bazida bizga omad etishmadi. Ammo kelasi o'yinlarda muhim ochkolarni yig'ib, yuqori o'rinlarga ko'tarila olamiz.
- Kubokning 3-turida "Zomin" safarda AGMKga qarshi o'ynaydi. Hozircha barchasi jamoaning o'z qo'lida.
- AGMKga qarshi o'yin ham biz uchun qiyin bo'ladi. So'nggi yillarda AGMK anchagina kuchaydi. Biroq biz bu bahsga ham yaxshi tayyorlanib, o'zimiz uchun kerakli natija qayd etmoqchimiz.
Bosh sahifaga
189
