Safarning ikkinchi kunida dastlab O'FA vice-prezidenti Odil Ahmedov hamda delegaciya azolari viloyatdagi bolalar va o'smirlar futbol akademiyasiga tashrif buyurdi.
Uchrashuv davomida mehmonlar akademiya faoliyati bilan batafsil tanishdi. Qayd etilishicha, mazkur maktab 2018 yildan beri faoliyat ko'rsatib kelmoqda. Uning yotoqxonasi 154 tarbiyalanuvchiga mo'ljallangan bo'lib, hozirda unda 144 ta bo'lajak futbolchi istiqomat qilmoqda. SHuningdek, akademiyada katta hajmdagi standart maydon va 2 ta suniy qoplamali maydon mavjud. Asosiy maydon 1982 yilda foydalanishga topshirilgan hamda 2019 yilda qayta tamirlangan.
Tadbir davomida futbol faxriylari tomonidan akademiya hududiga manzarali daraxt ko'chatlari o'tqazildi.
Tadbir yakunida futbol faxriylari tomonidan yosh charm to'p ustalariga qimmatli maslahatlar berildi.
SHundan so'ng viloyat hokimligida o'zbek futbolining 110 yilligiga bag'ishlangan matbuot anjumani bo'lib o'tdi. Unda Xorazm viloyati hokimi, viloyat futbol associaciyasi prezidenti Farhod Ermanov, O'FA vice-prezidenti, futbol faxriylari hamda OAV vakillari ishtirok etishdi.
Matbuot anjumanida Farhod Ermanov viloyatda futbol rivoji yo'lida amalga oshirilgan ishlar va bo'lajak rejalar bilan o'rtoqlashdi.
SHuningdek, anjumanda jurnalistlar o'zlarini qiziqtirgan savollarga javob oldi.
Anjuman yakunida Xorazm viloyati hokimi Farhod Ermanovga "O'zbekiston futboli rivojiga qo'shgan hissasi uchun" ko'krak nishoni topshirildi. Bundan tashqari, bir qator faxriylarga esdalik sovg'alari taqdim etildi.
Tadbir "Yoshlik" sport majmuasida davom etdi. Unda dastlab 10-12 yoshli o'g'il-qizlar o'zlarining tayyorgarlik mahoratini namoyish etishgan bo'lsa, mashg'ulot jarayonidan so'ng futbol faxriylari o'rtasida o'rtoqlik uchrashuvi o'tkazildi. Mazkur bahs 7:7 hisobida yakunlandi.
Foto: Jahongir Fayzullaev
O'zbek futbolining 110 yilligi munosabati bilan Xorazm viloyatida boshlangan futbol festivalining dastlabki kunidan GALEREYA
Bosh sahifaga
153
