O'yin haqida
- Bugungi o'yin haqida aytadigan bo'lsam, ko'plab vaziyatlar yaratgan bo'lsak-da raqib darvozasiga to'p kiriti olmadik. "Gol urmasang g'alaba qozonmaysan" deganlaridek, biz bugun gol ura olmay mag'lubiyatga uchradik. Markazda yo'l qo'yilgan xatolar mag'lubiyatimizga sabab bo'ldi. Zaxiradan o'yinga qo'shilgan mahoratli hujumchi darvozamizga gol urib ketdi. Keyingi bosqichga chiqish uchun navbatdagi tur uchrashuvida g'alaba qozonishimiz zarur bo'ladi.
- Lutfulla To'raevning tarkibda yo'qligi sezilib qolayotgandek taassurot uyg'otmoqda. Uning o'rnini to'ldira oladigan futbolchi tarkibda yo'qmi?
- Lutfulla To'raevning jarohat sabab maydonga tushmayotgani seziladi albatta. Lekin markazda Abror Ismoilov va Sirojiddin Qo'zievlar yomon harakat qilishayotgani yo'q. Faqat oldingi chiziqda gol urolmayapmiz.
- Birinchi davra yakunida transferlarni amalga oshirish rejada bormi?
- Hozir endigina 4ta tur uchrashuvlari bo'lib o'tdi. Bu haqida o'ylashga hali erta.
- Ikkinchi bo'limda SHarichni maydonga tushirib o'yinni kuchaytirsa bo'larmidi?
- SHarich hozir o'yinlarga to'liq tayyor emas. SHu sababdan yosh hujumchimiz Ulug'bek Hoshimovni maydonga tushirdik. Bizda hujumchilarimiz etarli. Navbatdagi tur uchrashuvlarida nasib bo'lsa hujumchilarimiz gollar urishlariga ishonamiz.
- "Neftchi" Superligada "Qo'qon-1912"ni, kubokda "Dinamo"ni mag'lub etdi. Jamoa kuchli klublar bilan o'yinlarda qachon g'alabaga erishadi?
- Keyingi o'yinlarda nasib bo'lsa yutamiz.
- Muxlislar haqida fikringiz qanday?
- Muxlislardan hamisha minnatdormiz. Ular bizni uy-safar uchrashuvlarida qo'llab-quvvatlab turishibdi. Murabbiylar shtabi nomidan muxlislardan uzr so'raymiz. Jamoa yutqazsa murabbiylar aybdor bo'ladi.
- "Navbahor" bilan o'yinga tayyorgarlik alohida jiddiy yondashuv asosida bo'ladimi?
- Biz har o'yinga jiddiy tayyorgalik qilamiz. "Navbahor" bilan o'yin derbi maqomida o'tadi. Biz bu uchrashuvga ham odatdagidek tayyorgarlik ko'ramiz.
Bosh sahifaga
725