- O'yin haqida
- Umuman olganda, shiddatli o'yin bo'ldi. Birinchi navbatda, o'yin issiq ob-havoda, bunday vaqtda o'tgani har ikki jamoaga noqulaylik tug'dirdi. Teng kurashlarga boy o'yin ko'rdik.
- Hakamlarning qaroridan ko'p marta norozi bo'ldingiz. Ular qo'shib bergan vaqt va umumiy hakamlik xususida nima deya olasiz?
- Hakamlik bo'yicha fikrim u qadar yomon emas. Lekin oxirida juda kam vaqt qo'shib berildi, chunki o'zgarishlar ko'p bo'lgandi. Hakamlarning chiqargan qarori shu ekan, buni hurmat qilamiz.
- Bu o'yinda ochko olindimi yoki yo'qotildimi?
- Endi etiborimizni keyingi o'yinlarga qaratamiz. Hammasi navbatdagi o'yinlarga bog'liq. O'sha o'yinlarda yaxshi natijalarga erishishimiz kerak. Jarohatdan tiklanib, maydonga qaytgan futbolchilar uchun ham qulay bahs bo'ldi. CHunki, ular anchadan buyon maydonga tushishmagandi, bu keyingi uchrashuvlarda bizga qo'l keladi.
- Bugun Superliga va Pro liga jamoasi o'zaro bahs olib bordi. Ligalar o'rtasida farq sezildimi?
- Ikki jamoa ham bir xil o'yin ko'rsatdi. Bugungi o'yindan kelib chiqsak, ligalar o'rtasidagi farq ko'zga tashlanmadi.
- Jasur Xolto'raev yomon o'ynamadi va penalti ishladi. Uning almashtirilishi nima bilan bog'liq?
- Jasur Xolto'raev jarohat olgan futbolchilarimizdan biri edi, uning jismoniy holatidan kelib chiqib, uni almashtirishga qaror qildik.
- Maydonning holati xususida nima deysiz?
- Maydon televidenie, muxlislar va futbolchilar uchun juda yaxshi holatda. Faqat suv sepilmaganini aytib o'tishim joiz. Umuman, maydon futbol o'ynash va musobaqalar o'tkazish uchun yaxshi holatda ekan.
Bosh sahifaga
96
