O'yindan so'ng, “Andijon” bosh murabbiyi Viktor Kumikov matbuot anjumanida o'zining fikrlari bilan o'rtoqlashdi.
"Kimga qanaqa bilmadim-ku, lekin menga o'yin juda yoqdi. Hammasi yaxshi bo'ldi. Ko'plab vaziyatlarni yaratdik, ammo foydalana olmadik. Hattoki, ikkinchi golni ham urdik. Nimaga hisobga olishmadi, hayronman. Ko'rsatgan o'yinlari uchun hamma futbolchilarga rahmat aytaman. Barchasi maydonda harakat qilishdi. Superliga jamoasi bilan o'yinda yigitlarimiz biroz bo'lsa ham mahoratini ko'rsatishdi. Raqib esa birgina imkoniyatdan foydalanib ketdi. Mehmonlarga jiddiy hujum uyushtirishga imkon bermadik.
Bir so'z bilan aytganda, uchrashuvni yaxshi o'tkazdik. Ko'rinib turibdiki, yigitlarimiz maksimal darajada harakat qildilar. Bundan keyingi uchrashuvlarimiz ham shunday o'tsa, hammasi yaxshi bo'ladi.
Men o'yindan qoniqdim, natijadan emas. Biz yutishimiz kerak edi. Bizga ochko muhim emas, eng asosiysi, guruhdan chiqdik. Mana shu natija. “So'g'diyona”ni “Yangier” bilan o'zaro o'yini bor. Agar o'sha o'yinda durang bo'lsa, biz birinchi o'rin bilan chiqamiz. Mabodo, “So'g'diyona” yutadigan bo'lsa, biz ikkinchi o'rin bilan chiqamiz. Har qanday holatda ham biz guruhdan chiqdik. O'zinglar ham hisob-kitob qilib ko'ringlar. Yoki bizni hali guruhdan chiqmadi, deb o'yladinglarmi?", -deydi Viktor Kumikov.
Bosh sahifaga
769