O'yindan keyin buxoroliklar etakchisi Obid Jo'raboev fikrlariga quloq tutdik.
“O'yin tengma-teng kechdi. Bahs boshida to'pni ko'proq egallab turishga intildik. Bu bizga foyda keltirdi. Lekin aynan mening xatoim bilan darvozamizga penalti belgilandi. Raqib esa bundan unumli foydalanib ketdi. Biz hisobda ortda qolayotgan bo'lsakda, muvozanatni tiklashga urindik. “Metallurg” ham yaxshi o'ynadi. Tarkibida iqtidorli yoshlar ko'pchilikni tashkil qiladi. O'ylashimcha, natija o'yinga mos bo'ldi.
Hozirda keyingi bosqichga yo'llanma olish imkoniyatimiz bor. Ayni vaqtda “Surxon” va “Bunyodkor”da 3 ochkodan bor. Hali keyingi bosqichga chiqish uchun imkoniyatimiz saqlanib qolgan. Buning uchun “Bunyodkor” bilan kechadigan Toshkentdagi bahsda muvaffaqiyat qozonishimiz talab etiladi. Agarda buni bajara olsak, imkoniyat bo'ladi.
Yuqorida aytganimdek, penaltiga sababchi bo'lib qoldim. SHundan keyin biroz asabiylik bo'ldi. Negaki, men o'yin davomida bexato o'ynashga etibor qarataman. Asabiylikni tezroq unutib, oldinga intildim. Jarima zarbasini amalga oshirishni juda istadim. Jamoadoshlarimdan buni men ijro etishni so'radim. Gol bo'lgan vaziyatda to'p raqib futbolchisiga tegib, yo'nalishini o'zgartirgan bo'lsada, gol bo'lib, aybimni biroz yuvganimdan xursand bo'ldim.
Bosh sahifaga
73
