- O'yin haqida
- O'yin og'ir kechishini bilardik. Yigitlar astoydil kurashishdi. O'ylaymanki, muxlislarga yoqadigan o'yin bo'ldi. "Andijon II" jamoasiga keyingi o'yinlarda omad tilayman. Ularning futbolchilari ancha kurashuvchan yigitlar ekanliklarini ko'rsatishdi.
- Uzoq muddatli tanaffusdan keyin Bekzod Suvonovni maydonga tushirdingiz. U bildirilgan ishonchni oqlay oldimi?
- Bekzodga oldinroq ham bir o'yinda imkoniyat bergandik. U mashg'ulotlarda astoydil mehnat qilmoqda. O'ylaymanki, yaxshi o'yin o'tkazdi. Undan ko'proq hujumga o'tishini talab qilgandik. Hali yaxshi o'yinlari oldinda, deb o'ylayman.
- Muhriddin Zoirovning chempionatdagi o'yinlari uncha qovushmayotgandi, lekin bugun dubl qayd etishga erishdi. U bilan individual ishlanib, alohida ko'rsatmalar berilganmidi?
- O'zi har bir futbolchi bilan individual ravishda ishlaymiz. Raqib Birinchi liga jamoasi edi, shuni ham hisobga olish kerak. Biz bosim qildik va bu foyda berdi. Muhriddinda yana boshqa vaziyatlar yuzaga kelgandi, uning yorqin o'yinlari hali oldinda.
- "Andijon II" 2 ta hujumchi bilan, "SHo'rtan" esa 1 ta hujumchi bilan maydonga tushdi. Tezkor gol urish uchun 2 ta hujumchini maydonga tushirsangiz bo'lmasmidi?
- 2 ta hujumchi bilan o'ynadingiz degani, bu ko'p imkoniyat yaratasiz degani emas. Biz ko'proq bo'shliqlardan foydalanishni xohlaymiz. 1 ta hujumchi raqib himoyachilarini xato qilishga undashi kerak. Biz shu bois bugungi taktikada o'ynadik.
- Guruhdagi vaziyat xususida nima deya olasiz?
- Guruhdagi vaziyat taqdiri oxirgi o'yinga bog'liq. Guruhdan chiqish uchun oxirigacha kurashamiz.
- "Olimpik" bilan o'yinda "SHo'rtan"ning imkoniyatlarini qanday baholaysiz?
- Ko'rdingiz, "Olimpik" kecha "Turon"ga hech qanday imkoniyat qoldirmadi. Ko'p jamoalar rotaciyaga qo'l urishmoqda. So'nggi o'yin haqida oldindan bir nima deyish qiyin.
Bosh sahifaga
109
