Bellashuv 0:0 hisobida yakunlandi. O'yindan keyin termizliklar sardori Baxtiyor Qosimov fikrlariga quloq tutdik.
“Qiziqarli va murosasiz kechishini oldindan bilardik. SHunga yarasha o'yinga puhta tayyorgarlik ko'rgandik. “Bunyodkor” o'z tarixiga ega bo'lgan jamoa. O'z maydonida yanada xavfli bo'lishini bilardik. Uchrashuvni kuzatganlar bilishadiki, biz ulardan aslo qolishganimiz yo'q va etarlicha qarshilik ko'rsatdik.
Mazkur bahsda jamoamizda gol urish imkoniyatlar va vaziyatlar ko'p bo'ldi. Biroq ulardan foydalanish vaqtida omadsizlikga duch keldik. Agar ulardan birortasidan foydalana olganimizda, yutuqqa erishgan bo'lardik, albatta.
Futbolda hamma narsa bo'lishi mumkin. Keyingi bosqichga chiqishni maqsad qilganmiz. Buni amalga oshirish uchun keyingi raqibga qarshi jiddiy tayyorgarlik ko'ramiz. Maqsadimiz, keyingi o'yinda ham ijobiy natija qayd etib, keyingi bosqichga yo'llanma olish”, deydi Baxtiyor Qosimov.
Bosh sahifaga
307