Ilk kungi bahslarni "A" guruhi jamoalari boshlab berishadi. Bizni esa super to'qnashuv, vodiy derbisi kutmoqda. Amalda keyingi bosqich masalasini o'zi uchun hal qilib qo'ygan "Navbahor" o'z maydonida "Neftchi"ni qabul qiladi. Ushbu uchrashuvning farg'onalik uchun ahamiyati katta ekanligini inobatga olsak, maydonda chinakam jang ko'ramiz. Biz esa o'yinga qadar bo'lgan mulohazalarni yuritishga qaror qildik.
Guruhdagi vaziyat
Ayni paytda "Navbahor" 6 ochko bilan birinchi o'rinda ketmoqda. "Neftchi" va "Qizilqum"da esa 3 ochkodan. Demak qolgan ikki jamoa uchun hali imkoniyat yo'qotilmagan. "Dinamo" esa musobaqani tark etishi deyarli oydinlashdi. Namanganda maydon egalarining g'alabasi yuz foizlik natija bilan ortiqcha muammosiz keyingi bosqich eshiklarini ochishi "Neftchi"ning ahvolini og'irlashtiradi. CHunki "Qizilqum"da ham uch ochko mavjud va ular o'z maydonida "Dinamo"ni qabul qiladi. Bordi-yu, ochkolar teng kelib qolgan taqdirda, to'plar nisbatiga, o'zaro o'yinlarga qaraladi. Sizningcha, "Navbahor" o'zi bilan birga kimni olib chiqadi?
Ikkita turdagi natijalar quyidagicha ko'rinish olganini ko'rishimiz mumkin.
1-tur
"Qizilqum" - "Navbahor" 0:2
"Dinamo" - "Neftchi" 0:2
2-tur
"Neftchi" - "Qizilqum" 0:1
"Navbahor" - "Dinamo" 1:0
O'zaro o'yinlar
Jamoalar kubok bahslarida shu kunga qadar 14 marotaba kuch sinashishgan. Ushbu statistikada ustunlik "Navbahor" tomonida, 8ta g'alaba. 2ta uchrashuvda murosa ko'chasi tanlangan bo'lsa, 4ta bahs "Neftchi"ning g'alabasi bilan yakunlangan. 1998 yilgi mamlakat kubogi finalida ushbu ikki klub to'qnashgan bo'lib, yakunda omad "lochinlar" kulib boqqan.
1992 yil. Yarim final
“Neftchi” – “Navbahor” – 1:2
“Navbahor” – “Neftchi” – 2:1
1993 yil.Yarim final
“Navbahor” – “Neftchi” – 1:0
“Neftchi” – “Navbahor” – 2:1
(Izoh: Mehmonda urilgan gol hisobiga finalga “Navbahor” yo'l olgan).
1994 yil. Yarim final
“Navbahor” – “Neftchi” – 2:1
“Neftchi” – “Navbahor” – 2:0
1995 yil. Yarim final
“Neftchi” – “Navbahor” – 2:2
“Navbahor” – “Neftchi” – 5:0
1997 yil. Yarim final
“Navbahor” – “Neftchi” – 2:2
“Neftchi” – “Navbahor” – 1:0
1998 yil. Final
“Navbahor” – “Neftchi” – 2:0
2017 yil.Nimchorak final
“Neftchi” – “Navbahor” – 1:0
“Navbahor” – “Neftchi” – 2:1
(Izoh: Mehmonda urilgan gol hisobiga chorak finalga “Neftchi” yo'l olgan).
2019 yil. Nimchorak final
“Navbahor” – “Neftchi” – 3:1.
Bugun o'yinni boshqaradigan Rustam Lutfullin "Navbahor" ishtirokidagi o'yinlarda 3 marotaba bosh hakam vazifasini bajargan. Ularda 2tasida g'alaba, 1tasida mag'lubiyat qayd etilgan. Qaysidir manoda Lutfullin "lochinlar" uchun omadli hakam deya olamiz.
So'nggi to'qnashuv
Qizig'i "Navbahor" va "Neftchi" so'nggi marotaba 2019 yil O'zbekiston kubogi doirasida Namanganda uchrashishgan. O'yin mezbonlarning 3:1 hisobidagi g'alabasi bilan yakunlangan
“Navbahor” – “Neftchi” 3:1
Hakamlar: Ravshan Abdivohidov, F. Usmonov, Z. Eliboev, T. To'xtasinov
Nazoratchi: Arslon Hotamov
Komissar: Laziz Qo'chqorov
Gollar: Aziz Turg'unboev 31, - 1:0. Ivan Solovyov 38, - 2:0. Ivan Solovyov 44, - 3:0. Jamshid To'raqulov 89, - 3:1.
"Navbahor": O'tkir Yusupov, Azim Ahmedov, SHahzod SHaymanov, Ivan Solovyov, Aziz Turg'unboev (Komiljon Tojiddinov, 71), Aleksandr Kasyan, Obid Jo'raboev, Mirzohid G'ofurov, Igor Golban, Ilhomjon Alijonov, Amirbek Jo'raboev
Zaxira: Dilshod Hamroev, Aziz Ibragimov, G'iyos Komilov, Abbos G'ulomov, Ayubxon No'monov, SHerzod Hakimov, Nodir Mavlonov, Ilhom Aliboev
"Neftchi": SHerzod Abduraimov, SHodiyor Xojimatov, Islom Toshpo'latov, Jamshid Qobulov, Mirjamol Nematov, Dilyor Irmatov (Nodirbek Yo'ldoshev, 65), Javohirbek Rasulov, Islombek Karimov, Jafar Ismoilov (Alisher Abduvohidov, 46), Jamshidbek To'raqulov, Ibrohim No'monov
Zaxira: Xurshidbek Muhammadov, Farruh Turdaliev, Ilhom Vahobov, Ilhom Ibragimov, Bobir Isroilov, Ibodjon Abelfazov, Doston Bobojonov
Eski tanishlar: Maydon egalari tarkibidan O'tkir Yusupov bugun sobiq jamoasiga qarshi to'p tepsa, "Neftchi" safida Mirzohid G'ofurov, Darko Stanoevich, Akbar To'raev shu vazifani bajaradi.
Bosh sahifaga
196
