"Navbahor" bungacha "Qizilqum" va Samarqandning "Dinamo" klublarini mag'lub etdi. "Neftchi" esa safarda "Dinamo"ni engib, o'z uyida "Qizilqum"ga imkoniyatni boy berdi.
Aslida jamoalarning o'rni, tarkiblar, ularning holatidan qatiy nazar "Vodiy derbisi" hamisha tomoshabinlarga boy bellashuv bo'lib kelgan. Ammo bu safar-chi, bugun ham "Markaziy" stadionida "anshlag" ko'ramizmi? Bunga chipta narxi to'sqinlik qilishi mumkin ekan...
Malumot uchun Superliga 1-turi doirasidagi "Navbahor" - "Nasaf" o'yini uchun chipta 50 ming so'm, 3-turdagi "Navbahor" - "Qo'qon-1912" uchrashuviga esa - 30 ming qilib belgilangandi.
Bizdagi malumotlarga qaraganda, "Navbahor" - "Neftchi" o'yini uchun chipta narxi barcha sektorlar uchun bir xil 30 ming so'mdan. Namanganlik muxlislarning ko'pchiligi bu narxga rozi emas. Izohlarda ishqibozlar bugun "Markaziy" stadioni odatdagidek "yonmasligini", tribunalar to'lmasligiga Ramazon oyi emas, aynan chipta narxi qimmatligini ehtimoliy sabab sifatida keltirishgan.
Muxlislar ayniqsa klub rahbariyatining bunday qaroridan norozi. Ularning fikricha, 30 ming so'mdan ikki-uch ming muxlis stadionga kelganidan ko'ra, 15 mingga chipta olib, 10 ming ishqiboz kirgani muxlislarga ham, klubga ham yaxshiroq bo'lardi.
Aftidan klub rahbariyati o'z muxlislariga qattiq ishonadi chog'i. Biroq bugun "Markaziy" odam bilan to'ladimi, degan savol hozircha ochiqligicha qolmoqda.
P.S.: Biz bu borada biror tomonning yonini olmoqchi emasmiz. "Championat.asia" shunchaki vaziyatga, muxlislar fikriga etibor qaratdi. Iltimos, fikr bildirishda o'zingizni, boshqalarni hurmat qiling va ayniqsa Ramazon oyi ekanligini unutmang. Avvaldan rahmat.
Bosh sahifaga
795