SHaxboz Umarov hali ham BATE safida maydonga tusholmayapti. Eslatib o'tamiz, uning muammolari mavsum oldidan buyon davom etmoqda. Borisov klubi bahslaridan birida yarim himoyachi maydonda murabbiy Aleksandr Mixaylovdan biroz "kaltak" edi. Natijada Umarov qizishib ketdi va uchrashuv vaqtida kiyinish xonasiga kirib ketdi. Murabbiy juda tez qaror qabul qildi — dublga o'tkazish. Biroq futbolchi bu talabni bajarmadi va o'rinbosarlar mashg'ulotida ham ko'rinmadi.
O'sha voqeadan beri ikki oy o'tdi. Murabbiy Mixaylov Umarov haqida deyarli gapirmaydi va faqat Borisov klubining asosiy tarkibi bilan ishlayotganini takidlaydi. Lekin u o'shandan beri hatto, dublda ham o'ynamadi. Aytishlaricha, yarim himoyachida kichik shikastlanish bor ekan — Umarov mushaklarida og'riq borligidan shikoyat qilgan. Biroq hozir u o'zini yaxshi his qilmoqda.
BATE Umarovsiz chempionatdagi ketma-ket to'rtinchi quruq g'alabasini nishonladi — safarda "SHaxter" minimal hisobda (1:0) mag'lub etildi. Qolaversa, klub turnir jadvalining 1-pog'onasini egallab turibdi.
***
Turga to'rtta hamyurtimiz to'p tepadigan "Dinamo-Brest" - "Energetik-BGU" uchrashuvi yakun yasadi. 22 yoshli yarim himoyachi Abbosbek Jumaqulov yana o'yin qaydnomasiga kiritilmadi. O'tgan 4 tur davomida u bir bora, 9 aprel kuni "Sluck"ga qarshi bahsda, zaxira o'rindig'idan joy olgan edi. Abbos dublda ham o'ynamayapti. Biroq qolgan uch futbolchimiz safda. Ular orasida liganing eng yaxshi to'purari (4 ta gol) va eng foydali o'yinchisi (4+2 ochko) Bobir Abdixoliqov. U bahsni Roman Papariganning yonida ikkinchi hujumchi rolida boshladi. Ammo birinchi taymda hamyurtimiz deyarli ko'rinish bermadi: to'p bilan kam muomalada bo'ldi, raqib jarima maydonida faollik ko'rsatmadi. Umuman olganda, aynan Abdixoliqov 45 daqiqadagi (har ikki jamoa ijrosida) yagona aniq zarba muallifiga aylandi — burchakdan uzatilgan to'pni darvoza tomon kuchsiz tarzda yo'lladi. Bobir ikkinchi taymda biroz faollashdi. Ko'proq harakat qildi, o'ziga nisbatan qoida buzishlariga majbur qildi va Vladislav Yasyukevich sariq kartochka ishlab olishiga sababchi bo'ldi. SHuningdek, aynan Bobir 54-daqiqada penaltidan gol urib, hisobni ochdi — to'p chap burchak tomon yo'naltirildi, darvozabon esa o'zini o'ng tomonga otdi. Final hushtagiga 4 daqiqa qolganda futbolchi zaxiraga olindi.
O'n bir metrlik jarima zarbasini esa SHohruh Abdurahmonov ishlab olgandi. Hamyurtimiz jarima maydoniga yorib kirdi va raqib uning oyog'iga zarba berdi. Xavbek "Energetik-BGU"ning ikkinchi goliga ham o'z hissasini qo'shdi: 87-daqiqada Ilya Grishchenkoga golli pas berdi. Bundan tashqari, o'tkazib yuborilgan to'pda ham "aybdor" bo'lib qoldi. Maydon markazidagi Abdurahmonovning foli (va keyingi sariq kartochka) tufayli Yaroslav Oreshkevich gol urishga muvaffaq bo'ldi. Lekin umuman olganda, yarim himoyachi yaxshi o'yin o'tkazdi. SHuningdek, bir necha bor ajoyib tarzda to'pni olib qo'yishi va kurashlari bilan boshqalardan ajralib turdi. SHohruh maydon markazida ishonchli o'yin ko'rsatdi va hattoki, bahs oxirida ham tetik ko'rinardi hamda katta ko'lamdagi ishni bajarardi.
Abduqodir Husanov butun o'yinni uchta markaziy himoyachidan biri sifatida o'tkazdi. 18 yoshli himoyachi juda ishonchli o'ynadi. Dastlabki 45 daqiqa ichida hisobiga 4 marta to'pni olib qo'yish va bitta muvaffaqiyatli kurashni yozdirib qo'ydi. Abduqodir ikkinchi bo'limda u qadar yorqin o'yin namoyish etmagan bo'lsa-da, jiddiy xatolarga yo'l qo'ymadi. O'tkazib yuborilgan golda "ishtirok etmadi". 90-daqiqa, "Dinamo" bor kuch bilan hujumga o'tganida, raqib forvardning oyog'i ostidagi to'pni tepib yuborib, xavfni bartaraf etdi.
"Energetik-BGU" hamyurtlarimizning ajoyib o'yinlari sababli 4 turdan keyin turnir jadvalining ikkinchi pog'onasiga chiqib oldi va BATEning yagona taqibchisi bo'lib turibdi. Ayni damda Borisov klubi 12 ochko, Minsk jamoasi esa 10 ochkoga ega. Poytaxt klubi 4 turdan buyon mag'lubiyatsiz odimlamoqda, jamoa avval bunday natijaga erishmagandi.
Andrey Maslovskiy tayyorladi
Nozima Zaripova tarjimasi
Bosh sahifaga
192
