Ushbu futbolchini ko'pchilik tanimasligi xam mumkin. Sababi ham bor bunga, u maydonda ko'rinmas lekin "qora mehnat" qiladigan futbolchilar sirasiga kiradi.
- Assalomu aleykum, Jasur yaxshimisiz? Kubokdagi o'yinlardan keyin mavsum yakunlandi. 2020 yilgi mavsum buyicha fikrlaringiz qanday?
- Assalomu aleykum! Mavsum biz uchun o'rtacha o'tdi. Jamoamiz hamma ko'rdi chempionat boshida startni yaxshi boshlay olmadi. Lekin ikkinchi davrada o'zimizni qo'lga oldik va hammasini o'zgartira oldik. Bunga sababni ham o'ziz bilasiz. Pandemiya barcha narsani o'zgartirib yubordi. Lekin mana ko'rib turganingizdek yakun yaxshi bo'ldi. Qisqa qilib aytganda jamoamiz uchun mavsum o'rtacha o'tdi deya olaman.
- 2019 yilgi Superliga bilan 2020 yilgi chempionatni taqqoslaganda qanday farq ko'rdingiz? Avvalgi yilgidan solishtirganda joriy mavsum kuchli o'tdimi yoki aksincha?
- Oxirgi ikki yildagi Superliga mening fikrimcha bir necha jihatlarini hisoblamaganda bir xil kechdi. Lekin o'tgan yilgi Superliga kuchli bo'lgan edi. Endi bir xil deganimning asosiy sabablarini aytsam, bu yil ham chempion o'zgarmadi. Keyin avvalgi yilgi uchrashuvlarda kurash va futbolchilarda ishtiyoq bor edi. Bu yil faqat ikkinchi o'rin va oxirgi o'rinlarda kurash bo'ldi tamom. 2019 yil hamma jamoalarda g'alaba uchun ishtyoqi yuqori bo'lgandi. Masalan “So'g'diyona” jamoasining sensaciyalari, “Mashal” jamoasining kutilmagan o'yinlari. Xullas o'tgan yili juda ko'p kutilmagan vaziyatlar bo'ldi. Ayniqsa oxirida “So'g'diyona” va “Bunyodkor” jamoalarining uchinchi o'rin kurashishi xuddi Angliya chempionati o'yinlarini eslatib yubordi. Bu mening fikrim yana ham bilmadim.
- Jasur ko'rdik, jamoangiz pandemiya davrida o'tkazilgan markazlashgan chempionatda yaxshi natija ko'rsatdi. G'alabalar qo'lga kiritildi. Lekin ungacha “Qizilqum” jamoasining ishlari ko'ngildagidek emasdi. Bunga sabab nima edi? Jamoa mehmonda o'ynasa ko'proq yaxshi natija ko'rsatadimi? Aniqroq qilib aytganda “Qizilqum” jamoasi sizningcha “mehmon” jamoasimi?
- Men sizga aytsam hozirda uyda o'ynaymizmi yoki mehmonda buning farqi yuq bo'lib qoldi. Sababi ko'plab qoidalar va muxlislarning tashrifi kamaytirildi. Menimcha shu bois bunday holat kuzatildi. Markazlashgan chempionatdagi natijalarga keladigan bo'lsak, u erda maydon holati juda yaxshiligi qo'l keldi jamoamizga. Bunday yuqori maydonda o'zingiz xohlagan o'yinni ko'rsatish oson va jamoa bilan g'alabaga erishishingiz aniq. Bizga o'shanda mana shu narsa yordam berdi.
- Ozgina jiddiyroq savol. Sizningcha futbol akademiyasi bo'lmagan jamoani professionallar qatoriga qushish o'rinlimi?
- Bu savolga qanday javob berishni ham bilmay qoldim to'g'risi. Menimcha akademiyasi yo'q jamoani noprofessionallikka chiqarishni bilmadim. Hozirda faqatgina “Nasaf” jamoasini akademiya bo'yicha maqtasak arziydi menimcha, “Bunyodkor” jamoasidagi akademiya bor lekin moliyaviy ahvol og'irroq. “Mashal” jamoasida ham bor edi shunday akademiya va mening o'zim ham o'sha akademiya tarbiyalanuvchisiman. Biroq, hozirda baribir “Nasaf” jamoasining akademiyasidan boshqa maktabni bilmadim.
- Jasur Azimov uchun o'zbek futbolida noproffessional futbolchi bormi va u kim?
- Men uchun bizning futbolda noproffessional futbolchilar ko'p. Hammasini nomi bilan aytolmayman-u, lekin o'zining foydasi uchun maydonda shunchaki to'p tepib yurganlar bor. Ular bitta emas bir nechta. Hammasi o'ziga qandaydir manfaat kelishi uchun maydonni bulg'ab yuribdi.
- Jasurbek maroqli suhbat uchun sizga rahmat aytamiz. Barcha javoblar uchun tashakkur. Faoliyatingizga ulkan zafarlar tilab qolamiz. O'z jamoangizni va faoliyatingizda bundanda chiroyli gollar va g'alabalar bilan boyitib yuring.
- Sizlarga ham rahmat! Taklif uchun savollar uchun va hammasi uchun minnatdorman. Sizlarinng ham faoliyatingizga omad va zafarlar tilab qolaman.
Bosh sahifaga
323