"O'rganishlar natijasida malum bo'ldiki, Andijon xususiy klubga aylangach, bugungi kungacha tahminan 31,5 mlrd so'm pul sarf qilib ulgurdi. SHundan 7 mlrd so'm Sog'lom avlod stadioniga, 4 mlrd so'm Bo'stonga va 2,150 mlrd so'm eski klub qarzlariga sarf etilganiga to'xtaldik.
Klub 2021 yil uchun 15,2 mlrd so'm pul sarf etdi. Yana 973 mln so'm bilan o'tgan mavsumdan qolib kelayotgan qarzdorlik to'liq bartaraf etiladi.
Biz klub rahbariyati bilan qarzdorlik masalasida kelishuvga erishdik. Eskilardan farqli o'laroq, Andijon 2021 yildan qolayotgan qarzlarni to'liq qoplab beradi. SHuningdek, 2022 yilgi mavsumda jamoa safida harakat qilayotgan futbolchilar, murabbiylar, ishchi-hodimlar ham haqini olmay qolmaydi. Barchasi bilan hisob-kitob qilinadi.
Biz shu yo'nalishda Andijon futbol klubi bilan yaqin aloqalarni yo'lga qo'yganmiz va ular bilan hamkorlik qilib keldik (ayrim futbol muxlislarida noto'g'ri fikr shakllangan). Klubning bugungi rahbariyati davlat pulini o'zlashtirish uchun emas, viloyat futboliga yordam berish maqsadida kelgan. Qaysidir manoda, ular katta hajmdagi ishlarni bajardi.
SHundan kelib chiqib, O'zPFL Andijon futbol klubini qo'llab-quvvatlashga tayyor. Pro liga rivoji, viloyat futbolining ertasi uchun bizga Andijon singari klublar kerak. So'nggi savol: viloyatga-chi? Agar viloyat rahbarlarining ham javobi ha bo'lsa, biz birgalikda muzokaralar stoliga o'tirishga tayyormiz. Javob yo'q bo'lsa, klubning kelajagi hamda homiylarning futbolda boshqa yo'sinda qolishi masalasini alohida gaplashib olamiz", — deyiladi xabarda.
Rasman: "Aral Samali" - "Andijon" o'yini bekor qilindi
Bosh sahifaga
197